கோவில்பட்டியில் கே.ஆர். கல்வி நிறுவனங்கள் சார்பில் லட்சுமி அம்மாள் நினைவு கோப்பைக்கான 8-வது அகில இந்திய ஹாக்கி போட்டிகள் நடைபெற்று வருகிறது. நேற்று நடைபெற்ற லீக் ஆட்டம் ஒன்றில் சென்னை வருமான வரித்துறை அணி 4- 2 என்ற கோல் கணக்கில் பெங்களூரு ஹாக்கி அணியை வீழ்த்தியது.
மற்ற ஆட்டங்களில் மும்பை ஆர்சிஎப் அணி 6-2 என்ற கோல் கணக்கில் ஜலந்தர் சிக்னல்ஸ் அணியையும், சென்னை தெற்கு ரயில்வே அணி 4-2 என்ற கோல் கணக்கில் கோவில்பட்டி லட்சுமி அம்மாள் நினைவு ஹாக்கி அணியையும் வீழ்த்தின.
லீக் ஆட்டங்கள் முடிவில் மும்பை ஆர்சிஎப், பெங்களூரு ஹாக்கி அணி, கபுர்தலா ஆர்சிஎப், ஜலந்தர் சிக்னல்ஸ், சென்னை ஐஓபி, ஒடிசா கிழக்கு கடற்கரை ரயில்வே, கோவில்பட்டி லட்சுமி அம்மாள் நினைவு ஹாக்கி அணி, பெங்களூரு பிசிடிசி ஆகிய 8 அணிகள் காலிறுதி சுற்றுக்கு முன்னேறின. காலிறுதி போட்டிகள் இன்று முதல் நடைபெறுகின்றன.