2-வது டி20-ல் தெ. ஆப்பிரிக்காவுடன் இன்று இந்தியா மோதல்

கட்டாக்: இந்தியா – தென் ஆப்பிரிக்கா அணிகள் இடையிலான 2-வது டி20 கிரிக்கெட் போட்டி கட்டாக்கில் இன்று இரவு 7 மணிக்கு நடைபெறுகிறது.

இரு அணிகள் இடையே 5 ஆட்டங்கள் கொண்ட டி20 கிரிக்கெட் தொடரில் டெல்லியில் நடைபெற்ற முதல் ஆட்டத்தில் இந்திய அணி 7 விக்கெட்கள் வித்தியாசத்தில் தோல்வியடைந்தது. இதனால் இந்திய அணி தொடரில் 0-1 என பின்தங்கியுள்ளது. முதல் ஆட்டத்தில் இந்திய அணியின் பேட்டிங் சிறப்பாக அமைந்த நிலையில் பந்து வீச்சு எந்த ஒரு கட்டத்திலும் தாக்கத்தை ஏற்படுத்தவில்லை.

இதனால் இன்றைய ஆட்டத்தில் பந்து வீச்சை பலப்படுத்தும் விதமாக சில மாற்றங்கள் இருக்கக்கூடும். அக்சர் படல், அவேஷ் கான் நீக்கப்பட்டு அர்ஷ்தீப் சிங் அல்லது உம்ரன் மாலிக், ரவி பிஷ்னோய் சேர்க்கப்பட வாய்ப்புள்ளது.