மகளிருக்கான உபேர் கோப்பை பாட்மிண்டன் போட்டியில் இந்திய அணி தனது இரண்டாவது ஆட்டத்தில் நேற்று 5-0 என்ற கணக்கில் ஜெர்மனியை வீழ்த்தியது.
சீனாவில் ஹூன்ஷான் நகரில் நடைபெற்று வரும் இந்த போட்டியின் ஒற்றையர் பிரிவில் இந்திய நட்சத்திர வீராங்கனை சாய்னா நெவால் 21-15, 21-10 என்ற நேர்செட்டில் பேபினி டிப்ரெஸையும், பி.வி.சிந்து 21-7, 21-12 என்ற கணக்கில் லூயிஸ் ஹீமையும் வீழ்த்தினர். இரட்டையர் பிரிவில் ஜூவாலா கட்டா-அஸ்வினி பொன்னப்பா ஜோடி 14-21, 21-9, 21-8 என்ற செட் கணக்கில் லிண்டா-லாரா ஜோடியை தோற்கடித்தது. இதனால் இந்தியா 3-0 என முன்னிலைப் பெற்றது.
அடுத்து நடைபெற்ற ஒற்றையர் பிரிவு ஆட்டத்தில் ருத்விகா ஷிவானி காடே 21-5, 21-15 என்ற நேர்செட் டில் வோனியை வீழ்த்தினார். கடைசியாக நடைபெற்ற இரட்டையர் பிரிவு ஆட்டத்திலும் இந்தியாவே வெற்றி பெற்றது. ஷிக்கி ரெட்டி-பி.வி.சிந்து ஜோடி 21-18, 19-21, 22-20 என்ற செட் கணக்கில் இஸபெல் ஹர்ட்ரிச்-பிரான்ஸிஸ்கா வோல்க்மான் ஜோடியை வென்றது.
இந்திய மகளிரணி தனது முதல் ஆட்டத்தில் ஆஸ்திரேலியாவை 5-0 என வீழ்த்தியிருந்தது. இன்று நடைபெறும் ஆட்டத்தில் ஜப்பானை எதிர்த்து விளையாடுகிறது. இதில் வெற்றி பெறும் பட்சத்தில் காலிறுதி சுற்றுக்கு இந்தியா முன்னேறும்.
ஆடவருக்கான தாமஸ் கோப்பை பாட்மிண்டனில் இந்திய அணி 2-3 என்ற கணக்கில் ஹாங்காங்கிடம் தோல்வியை சந்தித்தது. ஏற்கெனவே முதல் ஆட்டத்தில் தாய்லாந்திடமும் தோல்வி கண்டிருந்தது. இதனால் இந்திய அணி தொடரில் இருந்து வெளியேறும் நிலை உருவாகி உள்ளது. கடைசி ஆட்டத்தில் இந்திய ஆடவர் அணி இந்தோனே ஷியாவை சந்திக்கிறது.