மலேசிய ஓபன் பாட்மிண்டன் போட்டி மகளிர் பிரிவில் இந்தியா வின் சாய்னா நெவால், பி.வி.சிந்து ஆகியோர் இரண்டாவது சுற்றுக்கு முன்னேறினர். அதே வேளையில் ஆடவர் பிரிவில் பிரனோய், காந்த் ஆகியோர் தோல்வியடைந்து தொடரில் இருந்து வெளியேறினர்.
சாய்னா நெவால் 21-16, 21-7 என்ற நேர் செட்டில் தாய்லாந்தின் நிட்சாவோன் ஜிந்தாபோலை தோற் கடித்தார். இந்த ஆட்டம் 30 நிமிடங்கள் நடைபெற்றது. 26 வயதான சாய்னா தனது அடுத்த சுற்றில் கொரியாவின் யேயான் ஜூவை எதிர்த்து விளையாடுகிறார்.
6-ம் நிலை வீராங்கனையான பி.வி.சிந்து 21-16, 21-17 என்ற செட் கணக்கில் சீனாவின் ஹீ பிங்க்ஜியோவை வீழ்த்தினார். இந்த ஆட்டம் 40 நிடங்கள் நீடித்தது. உலக சாம்பியன்ஷிப் போட்டியில் இரு முறை வெண்கல பதக்கம் வென்ற சிந்து தனது அடுத்த சுற்றில் கொரியாவின் ஸங் ஜி ஹையுனுடன் மோதுகிறார்.
காந்த் 21-23, 21-9, 10-21 என்ற கணக்கில் தாய்லாந்தின் போன்ஸாக்கிடமும், பிரனோய் 19-21, 20-22 என்ற கணக்கில் ஜப்பானின் கென்டோ மோமோடா விடமும் தோல்வியடைந்து தொடரில் இருந்து வெளியேறினர்.