இந்தியாவுக்கு எதிரான டெஸ்ட் தொடர்: தென் ஆப்பிரிக்க அணி அறிவிப்பு

இந்திய அணிக்கு எதிரான 3 டெஸ்ட் போட்டிகள் கொண்ட தொடரில் பங்கேற்பதற்கான 21 பேர் கொண்ட வலுவான அணியை தென் ஆப்பிரிக்க கிரிக்கெட் வாரியம் அறிவித்துள்ளது.

விராட் கோலி தலைமையிலான இந்திய கிரிக்கெட் அணி இந்த வார இறுதியில் தென் ஆப்பிரிக்காவுக்கு சுற்றுப்பயணம் மேற்கொண்டு 3 டெஸ்ட், 3 ஒரு நாள் போட்டிகள் கொண்ட தொடரில் விளையாட உள்ளது. முதல் டெஸ்ட் போட்டி செஞ்சுரியனில் வரும் 26-ம் தேதி தொடங்குகிறது. 2-வது டெஸ்ட் ஜனவரி 3-ம் தேதி ஜோகன்னஸ்பர்க்கிலும், 3-வது டெஸ்ட் ஜனவரி 11-ம் தேதி கேப்டவுனிலும் நடைபெறுகிறது.

இதைத் தொடர்ந்து முதல் ஒருநாள் போட்டி 19-ம் தேதியும், 2-வது ஒருநாள் போட்டி 21-ம் தேதியும், 3-வது ஒரு நாள் போட்டி 23-ம் தேதியும் நடைபெற உள்ளது. இந்நிலையில் டெஸ்ட்தொடருக்கான 21 பேர் கொண்டவலுவான அணியை தென் ஆப்பிரிக்க கிரிக்கெட் வாரியம் அறிவித்துள்ளது. வேகப்பந்து வீச்சாளரான டுவான் ஆலிவர் மீண்டும்அணிக்குள் கொண்டுவரப்பட்டுள் ளார். கடைசியாக அவர் 2019-ம்ஆண்டு இலங்கை அணிக்கு எதிரான போட்டியில் விளையாடியிருந்தார். உள்ளூர் போட்டியில் 8 இன்னிங்ஸில் 28 விக்கெட்கள் வீழ்த்தியதன் மூலம் ஆலிவருக்கு தேசிய அணியில் வாய்ப்பு கொடுக்கப்பட்டுள்ளது. கிளென்டன் ஸ்டுர்மேன், ப்ரீனெலன் சுப்ரயன், சிசண்டா மாகலா, ரியான் ரிக்கல்டன் ஆகியோர் அறிமுக வீரர்களாக இடம் பெற்றுள்ளனர்.