Published : 26 Jul 2021 11:29 am

Updated : 26 Jul 2021 11:29 am

 

Published : 26 Jul 2021 11:29 AM
Last Updated : 26 Jul 2021 11:29 AM

ஒலிம்பிக்: வில்வித்தையில் காலிறுதியோடு வெளியேறிய இந்திய ஆடவர் அணி 

tokyo-olympics-india-men-s-archery-team-bow-out-after-losing-to-south-korea-in-quarters
இந்திய வீரர் அதானு தாஸ் | கோப்புப்படம்

டோக்கியோ


டோக்கியோவில் நடந்து வரும் ஒலிம்பிக் போட்டியில் வில்வித்தைப் போட்டியில் இந்திய ஆடவர் அணி காலிறுதியில் தோல்வி அடைந்து வெளியேறியது.

காலிறுதியில் வலிமைவாய்ந்த தென் கொரிய அணியிடம் 6-0 என்ற புள்ளிக்கணக்கில் இந்திய அணி வீழ்ந்தது.


இந்திய ஆடவர் அணியில் பிரவின் ஜாதவ், அதானு தாஸ், தருண்தீப் ராய் ஆகியோர் இடம் பெற்றனர்.

இன்று காலை நடந்த காலிறுதிக்கு முந்தையச் சுற்றில் கஜகஸ்தான் அணியை 6-2 என்ற கணக்கில் தோற்கடித்து மிகுந்த நம்பிக்கையுடன் இந்திய ஆடவர் அணி காலிறுதிக்கு முன்னேறியது.

ஆனால், காலிறுதியில் தென் கொரியாவின் கிம் ஜி தியோ, கிம் வூஜின், ஓ ஜின்யெக் ஆகியோரின் துல்லியமான வில்வித்தையின் முன் இந்திய வீரர்கள் தோற்றனர்.

தொடக்கத்திலிருந்தே தென் கொரிய வீரர்கள் இந்திய அணியினருக்கு கடும் நெருக்கடி கொடுத்தனர். முதல் செட்டில் 10-10-9 என்ற கணக்கில் தென் கொரிய வீரர்கள் இருந்தனர், இந்திய அணியினர் 8-10-10 என்ற கணக்கில் இருந்தனர். ஆனால் 2-வது செட்டில் கொரிய வீரர்கள் 10-10-10 என்ற கணக்கில் 2 புள்ளிகளைப் பெற்றனர்

2-வது செட்டில் இந்திய அணி 9-10-10 என்ற கணக்கில் பதிலடி கொடுத்தனர். ஆனால், அதானுதாஸ் கடைசி நேரத்தில் 8 புள்ளிகள் எடுத்தால் கொரியஅணிக்கு 2 புள்ளிகள் சென்றது. 3-வது செட்டில் இந்திய அணி வீரர்களிடம் நிலைத்தன்மை இல்லாததால், எளிதாக வீழ்த்தி அரையிறுதி வாய்ப்பை கொரிய வீரர்கள் உறுதி செய்தனர்.


தவறவிடாதீர்!

Tokyo OlympicsSouth KoreaIndia men's archeryArcheryIndia men's archery team bow outவில்வித்தைடோக்கியோ ஒலிம்பிக்இந்திய ஆடவர் வில்வித்தை அணிதென் கொரிய அணி

Sign up to receive our newsletter in your inbox every day!

More From This Category

More From this Author

x