Published : 12 May 2021 17:21 pm

Updated : 12 May 2021 17:21 pm

 

Published : 12 May 2021 05:21 PM
Last Updated : 12 May 2021 05:21 PM

ஐசிசி டெஸ்ட் தரவரிசை; அசைக்க முடியாத இடத்தில் அஸ்வின்: பேட்டிங்கில் 3 இந்திய வீரர்கள்

test-rankings-ashwin-holds-on-to-his-2nd-position-hasan-ali-and-shaheen-attain-career-best-spots
ரவிச்சந்திரன் அஸ்வின் | கோப்புப்படம்

துபாய்

சர்வதேச கிரிக்கெட் கவுன்சில் இன்று வெளியிட்ட டெஸ்ட் போட்டி வீரர்களுக்கான தர வரிசையில், இந்திய அணியின் சுழற்பந்துவீச்சாளர் ரவிச்சந்திரன் அஸ்வின் 2-வது இடத்துக்கு முன்னேறியுள்ளார்.

டெஸ்ட் போட்டிகளுக்கான பந்துவீச்சாளர் பட்டியலில் இந்திய வீரராக அஸ்வின் மட்டுமே இடம் பெற்றுள்ளார். 850 புள்ளிகளுடன் அஸ்வின் 2-வது இடத்தில் உள்ளார். 908 புள்ளிகளுடன் பாட் கம்மின்ஸ் முதலிடத்தில் உள்ளார்.


இந்திய அணியின் வேகப்பந்துவீச்சாளர் ஜஸ்பிரித் பும்ரா 11-வது இடத்துக்குச் சரிந்துள்ளார். பேட்ஸ்மேன்கள் வரிசையில் இந்திய வீரர்களில் விராட் கோலி 5-வது இடத்திலும், ரிஷப் பந்த் 6-வது இடத்திலும், ரோஹித் சர்மா 8-வது இடத்திலும் உள்ளனர்.

ஜிம்பாப்வேக்கு எதிரான டெஸ்ட் போட்டியில் பாகிஸ்தான் வேகப்பந்துவீச்சாளர் ஷாகீன் அப்ரிடி, ஹசன் அலி, நுமான் அலி ஆகியோர் சிறப்பான பந்துவீச்சை வெளிப்படுத்தினர். இதையடுத்து, 6 இடங்கள் நகர்ந்து 14-வது இடத்துக்கு ஹசன் அலி முன்னேறியுள்ளார். ஷாகீன் அப்ரிடி 9 இடங்கள் முன்னேறி 22-வது இடத்துக்குச் சென்றார். நுமான் அலி 54-வது இடத்திலிருந்து 46-வது இடத்துக்கு நகர்ந்துள்ளார். இந்த மூவருக்கும் இது சிறப்பான தரவரிசையாகும்.

ஜிம்பாப்வேக்கு எதிரான 2-வது டெஸ்ட் போட்டியில் இந்த மூவரும் தலா 5 விக்கெட்டுகளை வீழ்த்தினர். ஒரு டெஸ்ட்டில் 3 பந்துவீச்சாளர்கள் 5 விக்கெட்டுகளை வீழ்த்துவது 28 ஆண்டுகளுக்குப் பின் இதுதான் முதல் முறையாகும். இதற்கு முன் கடைசியாக 1993ஆம் ஆண்டு இங்கிலாந்துக்கு எதிராக பால் ரீபெல், ஷேன் வார்ன், டிம் மே ஆகியோர் தலா 5 விக்கெட்டுகளை வீழ்த்தினர்.

பாகிஸ்தான் பேட்ஸ்மேன் அபித் அலி 215 ரன்கள் சேர்த்ததையடுத்து தரவரிசையில் 38-வது இடத்துக்கு முன்னேறியுள்ளார். அசார் அலி 16-வது இடத்துக்கு முன்னேறியுள்ளார்.



தவறவிடாதீர்!

Test RankingsAshwinHasan AliShaheenICC Men's Test Player RankingsPakistan bowlersஐசிசிடெஸ்ட் தரவரிசைஅஸ்வின்விராட் கோலிரிஷப் பந்த்பாகிஸ்தான் பந்துவீச்சாளர்கள்

Sign up to receive our newsletter in your inbox every day!

More From This Category

More From this Author

x