சென்னை மாவட்ட கைப்பந்து சங்கம் சார்பில் எஸ்.ஆர்.எம். பல்கலைக்கழகம் ஆதரவுடன் ஏ டிவிசன் லீக் கைப்பந்து போட்டி சென்னை எழும்பூரில் உள்ள மேயர் ராதாகிருஷ்ணன் ஸ்டேடியத் தில் நடைபெற்று வருகிறது. 6ம் நாளான நேற்று நடைபெற்ற ஆட்டம் ஒன்றில் ஐசிஎப் 25-22, 25-19, 25-20 என்ற செட் கணக்கில் வருமான வரி அணியை தோற்கடித்தது. ஐசிஎப் அணிக்கு இது 6வது வெற்றியாகும். மற்ற ஆட்டங்களில் எஸ்ஆர்எம் 25-17, 25-15, 25-17 என்ற கணக்கில் இந்தியன் வங்கியையும், செயின்ட் ஜோசப் 25-20, 25-19, 25-23 என்ற கணக்கில் தமிழ்நாடு காவல்துறை அணியையும், ஐஓபி 25-23, 25-15, 25-16 என்ற கணக்கில் தெற்கு ரயில்வே அணியை வீழ்த்தியது.