Published : 11 Jan 2021 07:34 am

Updated : 11 Jan 2021 07:35 am

 

Published : 11 Jan 2021 07:34 AM
Last Updated : 11 Jan 2021 07:35 AM

இங்கிலாந்துக்கு எதிரான டெஸ்ட் தொடர்: இரு போட்டிகளில் ரவிந்திர ஜடேஜா விளையாடமாட்டார்

jadeja-out-of-first-two-test-against-england-might-bat-with-injections-if-required
இடதுகை பெருவிரலில் காயம் அடைந்த ரவிந்திர ஜடேஜா : படம் உதவி | ட்விட்டர்

சிட்னி


இங்கிலாந்துக்கு எதிராக அடுத்தமாதம் தொடங்கும் டெஸ்ட் போட்டித் தொடரில் முதல் இரு போட்டிகளில் இந்திய அணியின் ஆல்ரவுண்டர் ரவிந்திர ஜடேஜா விளையாடமாட்டார் எனத் பிசிசிஐ வட்டாரங்கள் தெரிவிக்கின்றன.

சிட்னியில் நடந்துவரும் ஆஸிக்கு எதிரான 3-வதுடெஸ்ட் போட்டியின்போது முதல் இன்னிங்ஸில் மிட்ஷெல் ஸ்டார்க் வீசிய பந்தில்இடதுகை பெருவிரலில் பந்து பட்டு, ஜடேஜாவுக்கு எலும்பு முறிவு ஏற்பட்டது. இந்தக் காயம் குணமடைய 6 வாரங்கள் ஓய்வு தேவை என மருத்துவர்கள் அறிவுறுத்தியிருப்பதால், இங்கிலாந்துக்கு எதிரான முதல் இரு டெஸ்ட் போட்டிகளில் ஜடேஜா விளையாடவாய்ப்பில்லை.


அதுமட்டுமல்லாமல் சிட்னி டெஸ்டில் 2-வது இன்னிங்ஸில் ரவிந்திர ஜடேஜாவால் பந்துவீசுவும் முடியவில்லை, பேட்டிங் செய்யவும் முடியவில்லை என்பது இந்திய அணிக்கு பெரும் பின்னடைவாக அமைந்துள்ளது.

ஒருவேளை 2-வது இன்னிங்ஸில் பேட்டிங் செய்ய வேண்டிய சூழல் ஏற்பட்டால் வலிநிவாரணி ஊசி போட்டுக்கொண்டு ஜடேஜா பேட்டிங் செய்ய வாய்ப்பு உண்டு ஆனால், அது கடைசிநேர முடிவுக்கு உட்பட்டது என அணிநிர்வாகம் தெரிவித்துள்ளது.

இதுகுறித்து பிசிசிஐ தரப்பு கூறுகையில் “ ஜடேஜாவுக்கு கை விரலில்ஏற்பட்ட காயம் குணமடைய 4 முதல் 6 வாரங்கள் குறைந்தபட்சம் தேவைப்படும். ஆதலால், அவரால் பிப்ரவரி மாதம் தொடங்கும் இங்கிலாந்துக்கு எதிரான டெஸ்ட் தொடரில் முதல் 2 டெஸ்ட் போட்டிகளில் பங்கேற்க முடியாது. அதன்பின் அவரின் உடல்நிலையைப் பொறுத்து அடுத்து வரும் போட்டிகளுக்கு முடிவு செய்யப்படும் ” எனத் தெரிவிக்கப்பட்டது.

இங்கிலாந்துக்கு எதிரான டெஸ்ட் தொடரில் பிப்ரவரி 5-ம் தேதி சென்னையில் தொடங்குகிறது குறிப்பிடத்தக்கது.

தவறவிடாதீர்!


Jadeja out of first two TestEnglandThird Test against AustraliaUpcoming series against England.Ruled outஇங்கிலாந்து டெஸ்ட் தொடர்இந்திய ஆல்ரவுண்டர் ஜடேஜாஆஸ்திரேலியாசிட்னி டெஸ்ட்ஜடேஜாவுக்கு காயம்

Sign up to receive our newsletter in your inbox every day!

More From This Category

More From this Author

x