இதன் பின், தினேஷ் கார்த்திக், முரளி விஜய் இணை பொறுப்புடன் விளையாடி அணியின் நிலையை சீராக்கியது. 35 பந்துகளில் அரை சதம் கடந்த கார்த்திக் அடுத்த பந்திலேயே கேட்ச் கொடுத்து வெளியேறினார். அஸ்வின் சுக்லாவை 1 ரன்னுக்கு வீழ்த்த, ஜடேஜாவின் பந்துவீச்சில், முரளி விஜய் 35 ரன்களுக்கு பெவிலியன் திரும்பினார்.
15 ஓவர்களுக்குள் 122 ரன்களுக்கு 5 விக்கெட்டுகளை இழந்த டெல்லி அணிக்கு, டுமினி நம்பிக்கை அளித்தார். மோஹித் சரமா வீசிய 18-வது ஓவரில் தொடர்ந்து 4 பவுண்டரிகளோடு 17 ரன்களை அவர் எடுத்தார். மறுமுனையில் ஆடிய ஜாதவ்வும் அதிரடியில் இறங்க 20 ஓவர்கள் முடிவில் டெல்லி அணி 5 விக்கெட்டுகளை இழந்து 178 ரன்கள் என்ற வலுவான நிலையை எட்டியது. டுமினி 17 பந்துகளில் 28 ரன்களுடனும், ஜாதவ் 18 பந்துகளில் 29 ரன்களுடன் ஆட்டமிழக்காமல் இருந்தனர்.