Published : 25 Sep 2015 09:46 AM
Last Updated : 25 Sep 2015 09:46 AM
பாட்மிண்டன் உலக தரவரிசைப் பட்டியலில் இந்தியாவின் அஜய் ஜெய்ராம் 7 இடங்கள் முன்னேறி 25-வது இடத்தைப் பிடித்துள்ளார்.
உலக பேட்மிண்டன் சம்மேளனம் வீரர், வீராங்கனைகளின் தரவரிசைப் பட்டியலை நேற்று வெளியிட்டது. இதில், ஆடவர் ஒற்றையர் பிரிவில் இந்தியாவின் அஜய் ஜெய்ராம் 25-வது இடத்தைப் பிடித்துள்ளார்.
கொரிய ஓபன் பேட்மிண்டன் போட்டியில் இறுதிப்போட்டி வரை முன்னேறி 2-வது இடம் பிடித்ததன் மூலம் ஜெய்ராம் முதல் 25 இடங்களுக்குள் வந்துள்ளார். மேலும், நடப்பாண்டு நடைபெற்ற ரஷிய ஓபன், ஸ்விஸ் ஓபன், மலேசிய மாஸ்டர் தொடர்களில் அரையிறுதி வரை முன்னேறினார். இவை அனைத்துமே கிராண்ட் பிரீ போட்டிகளாகும்.
அதேசமயம், இந்தியாவின் கே. காந்த், பாருபள்ளி காஸ்யப் ஆகியோர் தங்களின் இடங்களைத் தக்கவைத்துக்கொண்டுள்ளனர். ஆடவர் ஒற்றையர் பிரிவில் இருவரும் முறையே 5, 8-வது இடங்களில் உள்ளன.
ஹெச்.எஸ். பிரன்னாய் ஓர் இடம் பின்தங்கி 16-வது இடத்தைப் பிடித்துள்ளார். மகளிர் ஒற்றையரில் இந்தியாவின் சாய்னா முதலிடத்தைத் தக்க வைத்துக் கொண்டுள்ளார். மற்றொரு வீராங்கனை பி.வி. சிந்து 13-வது இடத்தில் உள்ளார்.
மகளிர் இரட்டையர் பிரிவில் ஜுவாலா கட்டா- அஸ்வினி பொன்னப்பா ஜோடி 11-வது இடத்தில் நீடிக்கிறது. ஆடவர் இரட்டையரில் மனு அத்ரி, பி. சுமீத் ரெட்டி ஜோடி 19-வது இடத்தில் உள்ளது. கலப்பு இரட்டையர் பிரிவில் இந்தியாவிலிருந்து முதல் 25-வது இடங்களுக்குள் எந்த ஜோடியும் இல்லை.
Sign up to receive our newsletter in your inbox every day!
WRITE A COMMENT