Published : 05 Aug 2020 16:16 pm

Updated : 05 Aug 2020 16:16 pm

 

Published : 05 Aug 2020 04:16 PM
Last Updated : 05 Aug 2020 04:16 PM

நடுவர் பார்க்காமல் விட்டு விடும் நோ-பால்கள் இனி இல்லை: டெஸ்ட்டில் புதிய முறை அறிமுகம்

tv-umpire-to-call-front-foot-no-balls-in-england-pakistan-test-series

கிரிக்கெட்டில் எத்தனையோ முறை நடுவர்கள் பவுலரின் முன் கால் கிரீசை தாண்டி செல்லும் நோ-பால்களைப் பார்க்காமல் விட்டுள்ளனர், இதனால் பேட்ஸ்மென்கள் பலர் அநியாயமாக ஆட்டமிழந்து சென்றுள்ளனர்.

இத்தகைய தன்முனைப்பற்ற அநீதியை முடிவுக்கு கொண்டு வரும் வகையில் இன்று தொடங்கிய இங்கிலாந்து-பாகிஸ்தான் டெஸ்ட் தொடரில் டிவி நடுவர் நோ-பால் அளிக்கும் முறை அறிமுகம் செய்யப்பட்டுள்ளது.


இது நன்றாகக் கைகூடினால் இனி வரும் அனைத்துப் போட்டிகளுக்கும் இந்த முறை கையாளப்படும். ஏற்கெனவே நடுவருக்கு அதிகாரம் கொஞ்சம் கொஞ்சமாக போய் வரும் இந்த ஆட்டத்தில் நோ-பாலும் அவர்கள் அதிகாரத்திலிருந்து பறிக்கப்பட்டுள்ளது.

இந்த போட்டியில் இதன் மூலம் வரும் தீர்ப்புகளை மறுபரிசீலனை செய்து எதிர்காலப் போட்டிகளுக்கும் இந்த முறை அறிமுகம் செய்யப்படும் என்று ஐசிசி தெரிவித்துள்ளது.

சமீபத்தில் முடிந்த இங்கிலாந்து, அயர்லாந்து ஒருநாள் தொடரில் 3வது நடுவர் நோ-பால்களை கவனித்துக் கொண்டார்.

கடந்த ஆண்டு இந்தியா-மே.இ.தீவுகளுக்கு எதிராக இந்த முறை பரிசோதிக்கப்பட்டது. உலக மகளிர் டி20 கோப்பைப் போட்டிகளிலும் முயற்சி செய்யப்பட்டது, ஆனால் டெஸ்ட் போட்டிகளில் இதுவே முதல் முறை.

இங்கிலாந்து, பாகிஸ்தான் இடையே உலக டெஸ்ட் சாம்பியன்ஷிப் போட்டித்தொடரின் அங்கமாக 3 போட்டிகள் கொண்ட தொடர் இன்று மான்செஸ்டரில் தொடங்கியது. பாகிஸ்தான் முதலில் பேட் செய்து இதுவரை விக்கெட் இழப்பின்றி 27 ரன்கள் எடுத்துள்ளது, ஷான் மசூத், அபிட் அலி ஆடிவருகின்றனர்.

தவறவிடாதீர்!


TV umpire to call front foot no balls in England-Pakistan Test seriesEngland-Pakistan test series 2020World test championshipஇங்கிலாந்துபாகிஸ்தான்முதல் டெஸ்ட்2020நோ-பால்டிவி நடுவர்

Sign up to receive our newsletter in your inbox every day!

You May Like

More From This Category

More From this Author