Published : 24 Apr 2020 19:38 pm

Updated : 24 Apr 2020 19:38 pm

 

Published : 24 Apr 2020 07:38 PM
Last Updated : 24 Apr 2020 07:38 PM

ஒரு முறைதான் சச்சினை ஸ்லெட்ஜ் செய்தேன்.. அவர் பதிலளித்தது மனதைப் பிசைந்தது, பிறகு ஸ்லெட்ஜ் செய்யவே இல்லை: பிறந்தநாளில் சக்லைன் முஷ்டாக்

when-saqlain-mushtaq-sledged-sachin-tendulkar-only-to-never-sledge-him-again

சச்சின் டெண்டுல்கருக்கு இன்று 47வது பிறந்தநாள். இதற்காக ஐசிசி, பிசிசிஐ உட்பட விராட் கோலி முதல் பலரும் வாழ்த்து தெரிவித்துள்ளனர். இந்நிலையில் சச்சின் டெண்டுல்கரை முதன் முதலில் ஸ்லெட்ஜ் செய்ய முயன்றது பற்றியும் அதற்கு சச்சின் அளித்த பதிலையும் பகிர்ந்துள்ளார் பாகிஸ்தான் ஆஃப் ஸ்பின்னார் சக்லைன் முஷ்டாக்.

இருவரும் விளையாடும் காலத்தில் சச்சினை அவரும் படுத்தியுள்ளார், சச்சினும் அவரை புரட்டி எடுத்துள்ளார். இந்நிலையில் கனடா டொராண்டோவில் 1997-ம் ஆண்டு சஹாரா கோப்பையில் சச்சின் டெண்டுல்கரை முதன் முதலில் ஸ்லெட்ஜ் செய்ததாகவும் அதுவே கடைசி ஸ்லெட்ஜாகவும் அமைந்ததையும் சக்லைன் முஷ்டாக் விவரித்துள்ளார்.

“முதலில் அவரை ஸ்லெட்ஜ் செய்தேன், என்ன கூறினேன் என்று நினைவில்லை, ஆனால் சச்சின் என்னிடம் கூறியது என் மனதைப் பிசைந்ததால் நினைவில் இன்னமும் உள்ளது.

நான் ஸ்லெட்ஜ் செய்தவுடன் அவர் என்னிடம் வந்து, ‘நான் உன்னிடம் தவறாக நடந்து கொண்டேனா, நீ ஏன் என்னிடம் தவறாக நடந்து கொள்கிறாய்?’ என்று கேட்டார். எனக்கு தர்மசங்கடமானது, நான் என்ன கூறுவது என்று தெரியாமல் முழிக்கத்தான் வேண்டியிருந்தது.

சச்சின் மீண்டும் என்னிடம், ‘உங்களை நான் ஒரு வீரராகவும் மனிதராகவும் உயர்நிலையில் வைத்திருக்கிறேன்’ என்றார், எனக்கு இன்னும் என்னவோ போல் ஆகிவிட்டது. ஆட்டம் முடிந்தவுடன் நான் மன்னிப்புக் கேட்டேன்.

அதன் பிறகு அவர் என் பந்துகளை தாறுமாறாகக் கிழித்தாலும் நான் ஸ்லெட்ஜ் செய்ய முற்படவில்லை” என்றார் சக்லைன் முஷ்டாக்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

When Saqlain Mushtaq Sledged Sachin Tendulkar Only To Never Sledge Him Againஒரு முறைதான் சச்சினை ஸ்லெட்ஜ் செய்தேன்.. அவர் பதிலளித்தது மனதைப் பிசைந்தது பிறகு ஸ்லெட்ஜ் செய்யவே இல்லை: பிறந்தநாளில் சக்லைன் முஷ்டாக்கிரிக்கெட்இந்தியா-பாகிஸ்தான்சஹாரா கப்கனடாசக்லைன் முஷ்டாக்சச்சின் டெண்டுல்கர்ஸ்லெட்ஜிங்1997

Sign up to receive our newsletter in your inbox every day!

You May Like

More From This Category

More From this Author