Published : 04 Mar 2020 14:59 pm

Updated : 04 Mar 2020 14:59 pm

 

Published : 04 Mar 2020 02:59 PM
Last Updated : 04 Mar 2020 02:59 PM

இந்திய மகளிர் கிரிக்கெட்  ‘கலக்கல் வீராங்கனை’ ஷஃபாலி வர்மாவுக்கு புதிய ஐசிசி மகுடம்: அசைக்க முடியா இடத்துக்குச் சென்றார்

teen-sensation-shafali-verma-rises-to-top-in-icc-women-s-t20-rankings

ஐசிசி டி20 மகளிர் உலகக்கோப்பையில் ஆஸ்திரேலியாவில் போட்டிக்குப் போட்டி கலக்கி வரும் பதின்ம வயது வளரும் நட்சத்திரமான ஷஃபாலி வர்மா ஐசிசி டி20 பேட்ட்டிங் தரவரிசையில் நம்பர் 1 இடம் பிடித்துள்ளார்.

கடந்த 2018 அக்டோபர் முதல் முதலிடத்தை வைத்திருந்த நியூஸிலாந்து வீராங்கனை சூசி பேட்ஸ் என்ற வீராங்கனையை பின்னுக்குத்தள்ளி டாப் இடம் பிடித்தார் 16 வயதேயான ஷஃபாலி வர்மா.

மற்றொரு இந்திய வீராங்கனை ஸ்மிருதி மந்தனா இரண்டு இடங்கள் பின்னடைவு கண்டு 6ம் இடத்துக்கு வந்து விட்டார்.

டி20 உலகக்கோப்பை அரையிறுதியில் இங்கிலாந்தை இந்திய அணி சந்திக்கிறது, இதில் பவுலிங் தரவரிசையில் டாப் இடத்தில் இருக்கும் இங்கிலாந்தின் ஸ்பின்னர் சோஃபி எக்லஸ்டோனை ஷஃபாலி வர்மா எதிர்கொள்வதை அனைவரும் ஆவலுடன் எதிர்பார்க்கின்றனர். இந்தியா, இங்கிலாந்து அரையிறுதி வியாழனன்று நடைபெறுகிறது.

நடப்பு டி20 உலகக்கோப்பையில் பெண் சேவாகாக வலம் வரும் ஷஃபாலி வர்மா தன் அதிரை ஆட்டத்தின் மூலம் 161 ரன்களை 4 இன்னிங்ஸ்களில் எடுத்துள்ளார். மிதாலி ராஜுக்குப் பிறகு டி20 டாப் இடம் பிடித்த மட்டையாளர் ஆனார் ஷஃபாலி.

அதே போல் பந்து வீச்சில் கலக்கி வரும் பூனம் யாதவ் 4 இடங்கள் முன்னேறி பவுலர் தரவரிசையில் 8-ம் இடம் பிடித்துள்ளார்.

டி20 ஆல்ரவுண்டர்கள் தரவரிசையில் இந்தியாவின் தீப்தி சர்மா 9 இடங்கள் முன்னேறி 7ம் இடத்துக்கு வந்துள்ளார். அணிகள் தரவரிசையில் 290 புள்ளிகளுடன் ஆஸ்திரேலியா முதலிடத்திலும் 278 புள்ளிகளுடன் இங்கிலாந்து 2ம் இடத்திலும் உள்ளன.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

மகளிர் டி20 உலகக்கோப்பைஐசிசி தரவரிசை நம்பர் 1ஸ்மிருதி மந்தனாகிரிக்கெட்ஷஃபாலி வர்மா முதலிடம்

Sign up to receive our newsletter in your inbox every day!

You May Like

More From This Category

More From this Author