Published : 29 Jan 2020 08:22 am

Updated : 29 Jan 2020 08:22 am

 

Published : 29 Jan 2020 08:22 AM
Last Updated : 29 Jan 2020 08:22 AM

ஆஸ்திரேலிய ஓபன் டென்னிஸ்: அரை இறுதி சுற்றில் ஜோகோவிச், பெடரர்- மகளிர் பிரிவில் ஆஷ்லே பார்டி அசத்தல்

australian-open-tennis

மெல்பர்ன்

ஆஸ்திரேலிய ஓபன் ஆடவர் பிரிவில்நோவக் ஜோகோவிச், ரோஜர்பெடரரும், மகளிர் பிரிவில்ஆஷ்லே பார்டி, சோபியாகெனினும் அரைஇறுதிக்கு முன்னேறினர்.

ஆஸ்திரேலியாவின் மெல்பர்ன் நகரில் நடைபெற்று வரும் இந்தத் தொடரில் ஆடவர் ஒற்றையர் பிரிவு கால் இறுதியில் 2-ம் நிலை வீரரான செர்பியாவின் நோவக் ஜோகோவிச் 6-4, 6-3, 7-6 (7-1) என்ற நேர் செட் கணக்கில் 32-ம் நிலை வீரரான கனடாவின் மிலோஸ் ரவோனிச்சை வீழ்த்தினார். அரை இறுதியில் 3-ம் நிலை வீரரான சுவிட்சர்லாந்தின் ரோஜர் பெடரரை சந்திக்கிறார் ஜோகோவிச்.

பெடரர் தனது கால் இறுதி சுற்றில், 100-ம் நிலை வீரரான அமெரிக்காவின் டெனிஸ் சாண்ட்கிரெனை போராடி வீழ்த்தினார். முதல் செட்டை பெடரர் 6-3 எனகைப்பற்றினார். ஆனால் அடுத்த இருசெட்களையும் 6-2, 6-2 என கைப்பற்றி பெடரருக்கு அதிர்ச்சி கொடுத்தார் சாண்ட்கிரென். 4-வது செட் டைபிரேக்குக்கு சென்றது. இதில் 38 வயதான பெடரர் 7 மேட்ச் பாயிண்ட்கள் பின்தங்கிய நிலையில் இருந்தார்.

ஆனால் அதன் பின்னர் போராடி இந்த செட்டை 7-6 (10-8) என பெடரர் தன்வசப்படுத்தினார். வெற்றியை தீர்மானித்த 5-வது செட்டை தனது அனுபவ ஆட்டத்தால் பெடரர் 6-3 என எளிதாக கைப்பற்றினார். முடிவில் 3 மணி நேரம் 31 நிமிடங்கள் நடைபெற்ற இந்த ஆட்டத்தில் பெடரர் 6-3, 2-6, 2-6, 7-6 (10-8), 6-3 என்றசெட் கணக்கில் வெற்றியை வசப்படுத்தினார்.

மகளிர் ஒற்றையர் பிரிவு கால் இறுதியில் முதல் நிலை வீராங்கனையான ஆஸ்திரேலியாவின் ஆஷ்லே பார்டி 7-6 (8-6), 6-2 என்ற நேர் செட் கணக்கில், 7-ம் நிலை வீராங்கனையான செக் குடியரசின் பெட்ரா விட்டோவாவையும் வீழ்த்தி அரை இறுதி சுற்றில் கால் பதித்தார்.

அரை இறுதி சுற்றில் ஆஷ்லே பார்டி 14-ம் நிலை வீராங்கனையான அமெரிக்காவின் சோபியா கெனினுடன் மோதுகிறார். சோபியா கெனின் தனது கால் இறுதி சுற்றில் 6-4, 6-4 என்ற நேர் செட்டில் 78-ம் நிலை வீரரான துனிசியாவின் ஆன்ஸ் ஜாபூரை வீழ்த்தினார். ஆஷ்லே பார்டியும், சோபியா கெனினும் இதற்கு முன்னர் 5 ஆட்டங்களில் நேருக்கு நேர் மோதியுள்ளனர். இதில் ஆஷ்லே பார்டி 4 ஆட்டங்களிலும், சோபியா கெனின் ஒரு ஆட்டத்திலும் வெற்றியை பதிவு செய்துள்ளனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

ஆஸ்திரேலிய ஓபன் டென்னிஸ்Australian open tennisஜோகோவிச்பெடரர்ஆஷ்லே பார்டி

Sign up to receive our newsletter in your inbox every day!

You May Like

More From This Category

More From this Author