விம்பிள்டன் காலிறுதியில் சானியா மிர்சா-மார்டினா ஹிங்கிஸ்

விம்பிள்டன் கிராண்ட் ஸ்லாம் டென்னிஸ் மகளிர் இரட்டையர் பிரிவு காலிறுதிச் சுற்றுக்கு சானியா மிர்சா-மார்டினா ஹிங்கிஸ் ஜோடி முன்னேறியது.

16-ம் தரவரிசையில் உள்ள ஸ்பானிய ஜோடி, அனபெல் மெதினா காரிகேஸ், அராண்ட்ஷா பரா சாண்டோனியா ஜோடியை 6-4, 6-3 என்ற நேர் செட்களில் 66 நிமிடங்களில் வெளியேற்றியது சானியா-ஹிங்கிஸ் ஜோடி.

முதல் செட்டில் ஸ்பானிய ஜோடியின் சர்வை இருமுறை உடைத்த சானியா-ஹிங்கிஸ் ஜோடி, 2-வது செட்டில் 3 முறை முறியடித்தனர். அதே சமயத்தில் முதல் செட்டில் ஒரு முறை தங்களது சர்வை இழந்த சானியா ஜோடி, 2-வது செட்டில் இருமுறை தங்களது சர்வில் தோல்வி அடைந்தனர்.

முதல் சர்வில் 76% பாயிண்ட்களை சானியா-ஹிங்கிஸ் ஜோடி வென்றனர். 2-வது சர்விலும் 23 சர்வ்களில் 10-இல் வெற்றிப்புள்ளிகளைப் பெற்றது. மாறாக 2-ம் சர்வ்களில் ஸ்பானிய ஜோடி 14-ல் 5 முறையே வெற்றிப் புள்ளிகளைப் பெற்றது.

சானியா-ஹிங்கிஸ் ஜோடி மொத்தம் 59 வின்னர்களை அடிக்க, ஸ்பானிய ஜோடியோ 45 வின்னர்களை மட்டுமே அடிக்க முடிந்தது.