அமெரிக்க ஓபன் டென்னிஸ்: டொமினிக் தியம் அதிர்ச்சி தோல்வி-  ரபேல் நடால், நவோமி ஒசாகா முன்னேற்றம்

நியூயார்க் 

அமெரிக்க ஓபன் டென்னிஸ் தொட ரில் ஆடவர் ஒற்றையர் பிரிவில் முன்னணி வீரர்களான டொமினிக் தியம், ஸ்டீபனோஸ் சிட்சிபாஸ், ராபர்டோ பவுதிஸ்டா அகுட், கரேன் கச்சனோவ் ஆகியோர் அதிர்ச்சி தோல்வியடைந்தனர்.

நியூயார்க் நகரில் நடைபெற்று வரும் இந்தத் தொடரின் 2-வது நாளான நேற்று முன்தினம் ஆடவர் ஒற்றையர் பிரிவு முதல் சுற்று ஆட் டம் ஒன்றில் 4-ம் நிலை வீரரான ஆஸ்திரியாவின் டொமினிக் தியம், 87-ம் நிலை வீரரான இத்தாலியின் தாமஸ் ஃபேபியானோவை எதிர்த்து விளையாடினார். 2 மணி நேரம் 23 நிமிடங்கள் நடைபெற்ற இந்த ஆட்டத்தில் டொமினிக் தியமை 6-4, 3-6, 6-3, 6-2 என்ற செட் கணக்கில் வீழ்த்தி அதிர்ச்சி கொடுத்தார் தாமஸ் ஃபேபியானோ.

இதேபோல் 8-ம் நிலை வீரரான கிரீஸ் நாட்டின் ஸ்டீபனோஸ் சிட் சிபாஸ், 43-ம் நிலை வீரரான ரஷ்யா வின் ஆந்த்ரே ரூபலேவிடம் சுமார் 3 மணி நேரம் 54 நிமிடங்கள் போராடி 4-6, 7-6, 6-7, 5-7 என்ற செட் கணக்கில் தோல்வியடைந்தார். அதேவேளையில் 10-ம் நிலை வீரரான ஸ்பெயினின் ராபர்டோ பவுதிஸ்டா அகுட் 6-3, 1-6, 4-6, 6-3, 3-6 என்ற செட் கணக்கில் 47-ம் நிலை வீரரான கஜகஸ்தானின் மிகைல் குகுஷ்கினிடம் வீழ்ந்தார். இந்த ஆட்டம் 3 மணி நேரம் 19 நிமிடங்கள் நடைபெற்றது.

9-ம் நிலை வீரரான ரஷ்யாவின் கரேன் கச்சனோவ் சுமார் 3 மணி நேரம் 51 நிமிடங்கள் போராடி 6-4, 5-7, 5-7, 6-4, 3-6 என்ற செட் கணக்கில் 216-ம் நிலை வீரரான கனடாவின் வசக் பாஸ்பிசிலிடம் தோல்வியடைந்தார்.

2-ம் நிலை வீரரும் 3 முறை சாம்பியனுமான ஸ்பெயினின் ரபேல் நடால் 6-3, 6-2, 6-2 என்ற நேர் செட்டில் 60-ம் நிலை வீரரான ஆஸ்திரேலியாவின் ஜான் மில்மானையும், 6-ம் நிலை வீரரான ஜெர்மனியின் அலெக்சாண்டர் ஜிவெரேவ் 6-1, 6-3, 3-6, 4-6, 6-2 என்ற செட் கணக்கில் 41-ம் நிலை வீரரான மால்டோவாவின் ராடு அல்போட்டையும் வீழ்த்தி 2-வது சுற்றுக்கு முன்னேறினர்.

13-ம் நிலை வீரரான பிரான்ஸின் கெல் மோன்பில்ஸ், 14-ம் நிலை வீரரான அமெரிக்காவின் ஜான் இஸ்னர், 22-ம் நிலை வீரரான குரோஷியாவின் மரின் சிலிச் ஆகியோரும் 2-வது சுற்றில் கால் பதித்தனர்.

மகளிர் ஒற்றையர் பிரிவு முதல் சுற்றில் முதல் நிலை வீரரான ஜப்பா னின் நவோமி ஒசாகா 6-4, 6-7 (5-7), 6-2 என்ற செட்கணக்கில் 84-ம் நிலை வீரராங்கனையான ரஷ்யா வின் அனா பிளின்கோவாவையும், 4-ம் நிலை வீராங்கனையான ருமேனியாவின் சிமோனா ஹாலப் 6-3, 3-6, 6-2 என்ற செட் கணக்கில் 135-ம் நிலை வீராங்கனையான அமெரிக்காவின் நிக்கோல் கிப்ஸை யும் வீழ்த்தி 2-வது சுற்றுக்கு முன்னேறினர்.

6-ம் நிலை வீராங்கனையான செக் குடியரசின் பெட்ரா விட் டோவா, 7-ம் நிலை வீராங்கனை யான நெதர்லாந்தின் கிகி பெர் டென்ஸ், 9-ம் நிலை வீராங்கனை யான பெல்லாரசின் ஆர்யனா சபலென்கா, 13-ம் நிலை வீராங் கனையான சுவிட்சர்லாந்தின் பெலின்டா பென்சிக், 19-ம் நிலை வீராங்கனையான டென்மார்க்கின் கரோலின் வோஸ்னியாக்கி ஆகியோரும் 2-வது சுற்றுக்கு முன்னேறினர்.