Published : 26 May 2014 11:42 am

Updated : 26 May 2014 11:42 am

 

Published : 26 May 2014 11:42 AM
Last Updated : 26 May 2014 11:42 AM

10-வது முறையாக ரியல் மாட்ரிட் சாம்பியன்

10

ஐரோப்பிய சாம்பியன்ஸ் லீக் கால்பந்து போட்டியில் ரியல் மாட்ரிட் அணி 4-1 என்ற கோல் கணக்கில் அட்லெடிகோ மாட்ரிட் அணியை வீழ்த்தி சாம்பியன் ஆனது. இதன்மூலம் சாம்பியன்ஸ் லீக்கில் 10-வது முறையாக சாம்பியன் பட்டம் வென்றிருக்கிறது ரியல் மாட்ரிட்.

போர்ச்சுக்கல் தலைநகர் லிஸ்பனில் நடைபெற்ற இந்த இறுதிப்போட்டியில் இரு அணிகளும் அபாரமாக ஆட, 36-வது நிமிடத்தில் அட்லெடிகோ அணியின் டீகோ காடின்ஸ் தலையால் முட்டி அற்புதமாக கோலடித்தார். இதன்பிறகு முதல் பாதி ஆட்டம் மட்டுமின்றி, ‘இஞ்சுரி’ நேரத்திற்கு முன்பு வரை கோல் எதுவும் விழாததால் அட்லெடிகோ அணியே முன்னிலையில் இருந்தது.


‘இஞ்சுரி’ நேரத்தின் 3-வது நிமிடத்தில் (90+3) ரியல் மாட்ரிட் அணியின் செர்ஜிகோ ரேேமாஸ் கோலடிக்க, ஆட்டநேர முடிவில் இரு அணிகளும் 1-1 என்ற கோல் கணக்கில் சமநிலையில் இருந்தன. இதையடுத்து வெற்றியைத் தீர்மானிக்க கூடுதல் நேரம் வழங்கப்பட்டது.

இதில் ரியல் மாட்ரிட் அபாரமாக ஆடியது. 110-வது நிமிடத்தில் ரியல் மாட்ரிட்டின் கேரத் பேலும், 118-வது நிமிடத்தில் மாட்ரிட்டின் மார்செலோவும், 120-வது நிமிடத்தில் கிறிஸ்டியானோ ரெனால்டோவும் கோலடிக்க, ரியல் மாட்ரிட் 4-1 என்ற கோல் கணக்கில் வெற்றி கண்டது. இதனால் சாம்பியன்ஸ் லீக்கில் முதல்முறையாக பட்டம் வெல்லும் அட்லெடிகோவின் கனவு தகர்ந்தது.


சாம்பியன்ஸ் லீக்கால்பந்து போட்டிரியல் மாட்ரிட்அட்லெடிகோ மாட்ரிட்

Sign up to receive our newsletter in your inbox every day!

More From This Category

More From this Author

x