கொச்சியில் நேற்று நடைபெற்ற இந்தியன் சூப்பர் லீக் (ஐஎஸ்எல்) கால்பந்து போட்டியில் கேரள பிளாஸ்டர்ஸ் அணி 1-0 என்ற கோல் கணக்கில் கோவா எப்.சி. அணியைத் தோற்கடித்தது. இதன்மூலம் 2-வது வெற்றியைப் பதிவு செய்துள்ள கேரள அணி 7 புள்ளிகளுடன், புள்ளிகள் பட்டியலில் 7-வது இடத்தில் இருந்து 5-வது இடத்துக்கு முன்னேறியுள்ளது.
முதல் பாதி ஆட்டம் கோலின்றி முடிந்த நிலையில் 2-வது பாதி ஆட்டத்தின் 64-வது நிமிடத்தில் கேரளத்தின் மிலாகிரேஸ் கோலடிக்க, அந்த அணி 1-0 என்ற கோல் கணக்கில் முன்னிலை பெற்றது. இதன்பிறகு இரு அணிகளுக்கும் கோல் கிடைக்காத நிலையில் கேரள அணி 1-0 என்ற கோல் கணக்கில் வெற்றி பெற்றது.
இன்றைய ஆட்டம்
புணே-கொல்கத்தா
இடம்: கொல்கத்தா
நேரம்: இரவு 7
நேரடி ஒளிபரப்பு: ஸ்டார் ஸ்போர்ட்ஸ்