Published : 14 Mar 2014 11:14 am

Updated : 07 Jun 2017 11:13 am

 

Published : 14 Mar 2014 11:14 AM
Last Updated : 07 Jun 2017 11:13 AM

டி20-யில் அரைசதம்: காத்திருக்கும் தோனி!

20

முதல் இருபது ஓவர் உலகக் கோப்பையை இந்திய அணிக்கு பெற்றுத் தந்ததுடன், 20 ஓவர் போட்டியின் முடிவை ஒரே ஓவரில் மாற்றிவிடும் அதிரடியான பேட்டிங் மூலம் புகழ் பெற்றவர் கேப்டன் தோனி.

தொடர்ந்து 5-வது இருபது ஓவர் உலகக் கோப்பையில் இந்திய அணிக்கு தலைமை வகிக்க இருக்கும் தோனி, இதுவரை ஒரு அரைசதம் கூட எடுக்கவில்லை என்பது ஆச்சரியமான உண்மை.

இந்திய அணி இதுவரை 46 இருபது ஓவர் போட்டிகளில் பங்கேற்றுள்ளது. இதில் தோனி 43 போட்டிகளில் விளையாடி 772 ரன்கள் எடுத்துள்ளார். அவரது சராசரி 32.16. ஆஸ்திரேலிய அணிக்கு எதிராக 48 ரன்கள் எடுத்து ஆட்டமிழக்காமல் இருந்ததே 20 ஓவர் கிரிக்கெட்டில் அவரது அதிகபட்ச ரன்.

20 ஓவர் கிரிக்கெட்டில் தோனி 5 அல்லது 6-வது பேட்ஸ்மேனாகவே களமிறங்குவார். எனவே அவர் ஒருசில ஓவர்களையே எதிர்கொள்ள வாய்ப்பு கிடைத்துள்ளது. இதுவே அவர் அரைசதம் எட்ட முடியாததற்கு முக்கியக் காரணம். எனினும் 20 ஓவர் கிரிக்கெட்டில் ஓர் அரைசதம் கூட எடுக்காமல் 772 ரன்களை எட்டியுள்ளதும் ஒரு சாதனையாகவே கருதப்படுகிறது.

இப்போது நடைபெறவுள்ள 20 ஓவர் உலகக் கோப்பையில் தோனி அரை சதம் எடுக்க வேண்டும் என்பதே அவரது ரசிகர்களின் எதிர்பார்ப்பாக உள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

டி20 உலகக் கோப்பைஅரைசதம்தோனி ஆட்டம்

Sign up to receive our newsletter in your inbox every day!

You May Like

More From This Category

More From this Author