இந்தியன் சூப்பர் லீக் போட்டியில் இன்று நடைபெறும் ஆட்டத்தில் சென்னையின் எஃப்சி அணியும் புனே சிட்டி அணியும் மோதவுள்ளன.
புனேவிலுள்ள ஸ்ரீ ஷிவ் சத்ரபதி சிவாஜி ஸ்போர்ட்ஸ் காம்பிளக்ஸ் மைதானத்தில் இந்த ஆட்டம் நடக்கிறது. சென்னை அணி, இதுவரை ஆடிய 6 மேட்சுகளில் 3-ல் வெற்றி பெற்றுள்ளது (2 டிரா மற்றும் 1 தோல்வி). அதேபோல, புனே அணி, ஆடிய 6 மேட்சுகளில் 3-ல் வெற்றி பெற்று இரண்டு ஆட்டங்களில் தோல்வி அடைந்துள்ளது (1 டிரா). சென்னை அணி 11 புள்ளிகளுடன் இரண்டாம் இடத்திலும் புனே அணி 10 புள்ளிகளுடன் மூன்றாம் இடத்திலும் உள்ளன.
கடந்த 2 ஆட்டங்களிலும் சென்னை அணி டிரா மட்டுமே கண்டுள்ளது. ஆனால், புனே அணி கடந்த 2 ஆட்டங்களிலும் வெற்றி பெற்றுள்ளது. எனவே இன்றைய போட்டி மிகவும் பரபரப்பாக இருக்கும் என்று எதிர்பார்க்கலாம்.
