அதிக டெஸ்ட்களில் வெற்றி: இம்ரான் சாதனையைக் கடந்த மிஸ்பா; நியூசி. படுதோல்வி

அபுதாபியில் நடைபெற்ற முதல் டெஸ்ட் போட்டியில் நியூசிலாந்து அணியை பாகிஸ்தான் 248 ரன்கள் வித்தியாசத்தில் வெற்றி பெற்றது. இதன் மூலம் அதிக டெஸ்ட் வெற்றிகளைப் பெற்ற பாகிஸ்தான் கேப்டன் ஆனார் மிஸ்பா.

மொத்தம் இதுவரை 33 டெஸ்ட் போட்டிகளில் பாக். கேப்டனாக் இருந்து வரும் மிஸ்பா உல் ஹக் 15 வெற்றிகளுடன் அதிக வெற்றிகள் பெற்ற பாகிஸ்தான் கேப்டன் ஆனார். இம்ரான் கான் 33 டெஸ்ட் போட்டிகளில் 14 போட்டிகளில் வெற்றி பெற்றிருந்தார்.

174/8 என்று தொடங்கிய நியூசிலாந்து 231 ரன்களுக்கு இன்று சுருண்டது.

முதல் இன்னிங்சில் பாகிஸ்தான் 3 விக்கெட்டுகளை மட்டும் இழந்து 566 ரன்களுக்கு டிக்ளேர் செய்தது. அகமட் ஷேஜாத் 176 ரன்கள் எடுத்து கோரி ஆண்டர்சன் பந்தில் அடிபட்டு இந்தத் தொடரை விட்டே வெளியேறினார்.

மிஸ்பா சதம் எடுத்தார். யூனிஸ் கான் தொடர்ச்சியாக 4-வது சதம் கண்டார். தொடர்ந்து ஆடிய நியூசிலாந்து அணியில் லாதம் மட்டுமே போராடி 103 ரன்களை எடுத்தார். நியூசிலாந்து வீரர்களில் குறைந்த வயதில் டெஸ்ட் சதம் எடுத்த வீரர் என்ற பெருமையை பெற்றார் லாதம். நியூசிலாந்து 262 ரன்களுக்குச் சுருண்டது.

ரஹத் அலி 4 விக்கெட்டுகளையும் சுல்பிகர் பாபர் 3 விக்கெட்டுகளையும் கைப்பற்றினர். ஃபாலோ ஆன் கொடுக்கவில்லை. தொடர்ந்து ஆடிய பாகிஸ்தான் ஹபீஸ் சதத்துடன் 175/2 என்று டிக்ளேர் செய்தது.

480 ரன்கள் இலக்கை எதிர்த்து விளையாடிய நியூசிலாந்து 2-வது இன்னிங்ஸில் 231 ரன்களுக்கு இன்று சுருண்டனர்.

ஆட்ட நாயகனாக ரஹத் அலி தேர்வு செய்யப்பட்டார். 3 டெஸ்ட்கள் கொண்ட தொடரில் பாகிஸ்தான் 1-0 என்று முன்னிலை பெற்றது.