ரியோ ஒலிம்பிக் சாதனை வீரர்களான பி.வி.சிந்து (பாட்மிண்டன்), சாக்ஷி மாலிக் (மல்யுத்தம்), திபா கர்மாகர் (ஜிம்னாஸ்டிக்ஸ்), ஜித்து ராய் (துப்பாக்கி சுடுதல்) ஆகியோருக்குக் குடியரசுத் தலைவர் பிரணாப் முகர்ஜி, ராஜீவ் காந்தி கேல் ரத்னா விருது வழங்கினார்.
இன்று (திங்கள் கிழமை) புது டெல்லியில் நடைபெற்ற விளையாட்டு விருது வழங்கும் விழாவில், வீரர்களுக்கு விருதுகள் அளிக்கப்பட்டன.
திபா கர்மாகரின் பயிற்சியாளர் விஷ்வேஷ்வர் நந்தி துரோணாச்சாரியர் விருது வழங்கி கவுரவிக்கப்பட்டார். 15 விளையாட்டு வீரர்களுக்கு அர்ஜுனா விருதும், 3 வீரர்களுக்கு தயான் சந்த் விருதும் வழங்கப்பட்டன.
பாட்டியாலா பஞ்சாபி பல்கலைக்கழகத்திற்கு மவுலானா அபுல்கலாம் ஆசாத் டிராபி (2015-16) வழங்கப்பட்டது.
விருது பெற்றவர்கள், பதக்கம் மற்றும் ரூ.7.5 லட்சம் தொகையைப் பரிசாகப் பெற்றனர். அர்ஜுனா, துரோணாச்சாரியா, தயான் சந்த் விருது பெற்றவர்களுக்கு ரூ.5 லட்சம் ரொக்கம் பரிசாக வழங்கப்பட்டது.
2016-ம் ஆண்டுக்கான ராஜீவ் காந்தி கேல் ரத்னா விருது
பி.வி. சிந்து (பாட்மிண்டன்),
சாக்ஷி மாலிக் (மல்யுத்தம்),
திபா கர்மாகர் (ஜிம்னாஸ்டிக்ஸ்),
ஜித்து ராய் (துப்பாக்கி சுடுதல்) ஆகியோருக்கு ராஜிவ் காந்தி கேல் ரத்னா விருது வழங்கப்பட்டது.
2016-ம் ஆண்டுக்கான துரோணாச்சாரியார் விருது
நாகபுரி ரமேஷ் (தடகளம்),
சாகர்மால் தயாள் (குத்துச்சண்டை),
ராஜ்குமார் சர்மா (கிரிக்கெட்),
பிஸ்வேஷ்வர் நந்தி (ஜிம்னாஸ்டிக்ஸ்), எஸ். பிரதீப் குமார் (நீச்சல்),
மகாபிர் சிங் (மல்யுத்தம்) ஆகியோருக்குத் துரோணாச்சாரியார் விருது வழங்கப்பட்டது.
2016-ம் ஆண்டுக்கான அர்ஜுனா விருது பெற்ற வீரர்கள்
ரஜத் செளகான் (வில்வித்தை),
லலிதா பாபர் (தடகளம்),
செளரவ் கோத்தாரி (பில்லியர்ட்ஸ் & ஸ்னூக்கர்),
ஷிவ தாபா (குத்துச்சண்டை),
ரஹானே (கிரிக்கெட்),
சுப்ரதா பால் (கால்பந்து),
ராணி (ஹாக்கி),
வி.ஆர். ரகுநாத் (ஹாக்கி),
குர்ப்ரீத் சிங் (துப்பாக்கி சுடுதல்),
அபூர்வி சண்டேலா (துப்பாக்கி சுடுதல்),
செளம்யாஜித் கோஷ் (டேபிள் டென்னிஸ்),
வினேஷ் போகட் (மல்யுத்தம்),
அமித் குமார் (மல்யுத்தம்),
சந்தீப் சிங் மன் (பாரா-தடகளம்),
விரேந்தர் சிங் (மல்யுத்தம்) ஆகியோருக்கு அர்ஜுனா விருது வழங்கப்பட்டது.
2016-ம் ஆண்டுக்கான தயான்சந்த் விருது
சாத்தி கீதா (தடகளம்),
சில்வேனஸ் துங் துங் (ஹாக்கி),
ராஜேந்திர பிரஹலாத் ஷெல்கே (படகு) ஆகியோருக்கு தயான்சந்த் விருது வழங்கப்பட்டது.