தெற்கு ஆசிய கால்பந்து இறுதிப் போட்டி: இந்தியா - ஆப்கன் இன்று மோதல்

தெற்கு ஆசிய கால்பந்து பெட ரேஷன் கோப்பை இறுதிப்போட்டி யில் இன்று மாலை 6.30 மணிக்கு நடைபெறும் ஆட்டத்தில் இந்தியா-ஆப்கானிஸ்தான் அணிகள் மோதுகின்றன.

திருவனந்தபுரத்தில் நடை பெற்று வரும் இந்த தொடரில் இந்திய அணி லீக் ஆட்டங்களில் இலங்கையை 2-0 என்ற கோல் கணக்கிலும், நேபாளத்தை 4-1 என்ற கோல் கணக்கிலும் தோற்கடித்தது. அரையிறுதியில் மாலத்தீவை 3-2 என்ற கோல் கணக்கில் வீழ்த்தி இறுதிப்போட்டிக்கு முன்னேறியது.

ஆப்கானிஸ்தான் லீக் ஆட்டங்களில் 4-0 என்ற கணக்கில் வங்கதேசத்தையும், 3-0 என்ற கணக்கில் பூடானையும், 4-1 என்ற கோல் கணக்கில் மாலத்தீவையும் வீழ்த்தியிருந்தது. அரையிறுதியில் 5-0 என்ற கணக்கில் இலங்கையை பந்தாடியிருந்தது.

6 முறை சாம்பியன் பட்டம் வென்ற இந்திய அணி கடந்த 2011ல் டெல்லியில் நடைபெற்ற தொடரில் ஆப்கானிஸ்தானை 4-0 என தோற்கடித்து கோப்பை வென்றது. கேப்டன் சுனில் ஷேத்ரி ஹாட்ரிக் கோல் அடித்தார். இந்த தோல்விக்கு 2013ல் ஆப்கானிஸ் தான் பதிலடி கொடுத்தது. இறுதிப் போட்டியில் 2-0 என இந்தியாவை வீழ்த்தி பட்டம் வென்றது.

இந்திய அணியில் சுனில் ஷேத்ரி, லாலியன் ஸூவால, ஹாலிஷரன், ஜிஜி நம்பிக்கை அளிக்கும் வீரர்களாக உள்ளனர்.

ஆப்கன் அணியில் ஹைபர் அமணி இந்த தொடரில் 5 கோல்கள் அடித்துள்ளார். இந்த அணி தாக்குதல் ஆட்டம் நடத்தக்கூடியது. உலககோப்பை தகுதி சுற்றில் அடைந்த படுதோல்விகளுக்கு ஆறுதலாக இன்றைய ஆட்டத்தில் ஆப்கானிஸ்தான் அணிக்கு பதிலடி கொடுத்து கோப்பையை வெல்லும் முழு முயற்சியுடன் இந்திய அணி களம் காண்கிறது.