அஸ்லான் ஷா கோப்பைக்கான ஹாக்கி தொடரில் இந்திய ஆடவர் அணி தனது முதல் ஆட்டத்தில் ஜப்பானை வீழ்த்தியது.
மலேசியாவின் இபோ நகரில் நடைபெற்று வரும் இந்தத் தொடரில் இந்திய அணி தனது முதல் ஆட்டத்தில் ஜப்பானை எதிர்த்து விளையாடியது. 24-வது நிமிடத்தில் வருண் குமார் பெனால்டி கார்னர் வாய்ப்பை கோலாக மாற்ற இந்திய அணி 1-0 என முன்னிலை பெற்றது.
இதைத் தொடர்ந்து 55-வது நிமிடத்தில் சிம்ரன்ஜித் சிங், பீல்டு கோல் அடித்து அசத்தினார். இதனால் இந்திய அணியின் 2-0 என்ற முன்னிலையை அடைந்தது. கடைசி வரை போராடியும் ஜப்பான் அணியால் பதிலடி கொடுக்க முடியாமல் போனது. இதனால் இந்திய அணி 2-0 என்ற கோல் கணக்கில் வெற்றி பெற்றது.
