Published : 08 Feb 2019 20:05 pm

Updated : 08 Feb 2019 20:05 pm

 

Published : 08 Feb 2019 08:05 PM
Last Updated : 08 Feb 2019 08:05 PM

மார்டின் கப்திலை முறியடித்து டி20 சர்வதேசப் போட்டிகளில்  ரன்கள் பட்டியலில் முதலிடம் : ரோஹித் சர்மா சாதனை

20

நியூஸிலாந்துக்கு எதிரான 2வது டி20 போட்டியில் அதிரடி அரைசதம் விளாசி இந்திய அணியை வெற்றிக்கு இட்டுச் சென்ற கேப்டன் ரோஹித் சர்மா, புதிய சாதனையை நிகழ்த்தியுள்ளார்.

 

இன்று அவர் 50 ரன்கள் எடுத்து ஆட்டமிழந்தார், இந்த இன்னிங்சின் போது டி20 சர்வதேச போட்டிகளில் அதிக ரன்கள் எடுத்த வீரர்கள் பட்டியலில் முதலிடம் பிடித்துள்ளார். இதற்கு முன்பாக நம்பர் 1 இடத்தில் இருந்த மார்டின் கப்தில் ரன்களை ரோஹித் சர்மா இன்று கடந்து நம்பர் 1 இடத்துக்குச் சென்றுள்ளார்.

 

92 டி20 சர்வதேச போட்டிகளில் 84 இன்னிங்ஸ்களில் 2,288 ரன்களை எடுத்து அதிக டி20 ரன்கள் பட்டியலில் முதலிடம் வகிக்கிறார், மார்டின் கப்தில் 76 போட்டிகளில் 74 இன்னிங்ஸ்களில் 2,272 ரன்களுடன் 2ம் இடத்தில் இருக்கிறார்.

 

2263 ரன்களுடன் ஷோயப் மாலிக் 3ம் இடத்திலும் 2167 ரன்களுடன் கிங் கோலி 4ம் இடத்திலும், 2140 ரன்களுடன் பிரண்டன் மெக்கல்லம் 5ம் இடத்திலும் உள்ளனர். 6ம் இடத்தில் 1936 ரன்களுடன் ஆப்கானிஸ்தானின் மொகமது ஷஜாத் உள்ளார்.

 

மேலும் ரோஹித் சர்மா 20 முறை 50+ ஸ்கோர்களை அடித்த விதத்திலும் முதலிடம் பிடித்துள்ளார். விராட் கோலி 19 அரைசத ஸ்கோர்களை எடுத்துள்ளார் அதனையும் இன்று முறியடித்தார் ரோஹித் சர்மா.

 

மேலும் டி20 சர்வதேசப் போட்டிகளில் 100 சிக்சர்கள் அடித்த 3வது வீரரானார் ரோஹித் சர்மா. இப்போது 102 சிக்சர்களில் இருக்கிறார் ரோஹித். கிறிஸ் கெய்ல், மார்டின் கப்தில் இருவரும் 103 சிக்சர்கள் அடித்துள்ளனர்.

 

சர்வதேச கிரிக்கெட்டில் அதிக சிக்சர்களை அடித்தவர்கள் பட்டியலில் 349 சிக்சர்களுடன் 4ம் இடத்தில் உள்ளார் ரோஹித். ஷாகித் அப்ரீடி, கிறிஸ் கெயில் இருவரும் 476 சிக்சர்களை அடித்துள்ளனர். பிரெண்டன் மெக்கல்லம் 398 சிக்சர்களையும் ஜெயசூரியா 352 சிக்சர்களையும் அடித்துள்ளனர்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

ரோஹித் சர்மா டி20 சாதனைஅதிக டி20 சர்வதேச ரன்கள்விராட் கோலிகிறிஸ் கெய்ல்கிரிக்கெட்

Sign up to receive our newsletter in your inbox every day!

You May Like

More From This Category

More From this Author