Published : 18 Jan 2019 02:14 PM
Last Updated : 18 Jan 2019 02:14 PM
மெல்போர்னில் நடந்துவரும் ஆஸ்திரேலியாவுக்கு எதிரான 3-வது மற்றும் கடைசி ஒருநாள் போட்டியில் இந்திய வீரர் யஜூவேந்திர சாஹல் 6 விக்கெட் வீழ்த்தியதன் மூலம் ஆஸ்திரேலிய மண்ணில் சிறப்பாகப் பந்துவீசிய 2-வது இந்திய வீரர் எனும் பெருமையைப் பெற்றார்.
ஆஸ்திரேலியாவுக்கு எதிராக 6 விக்கெட்டுகளை ஆஸ்திரேலியாவில் வீழ்த்தியதன் மூலம் சாஹல் குறித்த 6 முக்கியமான சுவாரஸ்யமான விஷயங்கள்.
1. டி20 மற்றும் ஒருநாள் போட்டியில் ஒரே போட்டியில் 6 விக்கெட்டுகளை வீழ்த்திய 2-வது வீரர் யஜுவேந்திர சாஹல் என்ற பெருமையைப் பெற்றார். இதற்கு முன் இலங்கை சுழற்பந்துவீச்சாளர் அஜந்தா மெண்டிஸ் பெற்றிருந்தார்.
2. ஆஸ்திரேலியாவுக்கு எதிராக சிறப்பாகப் பந்துவீசிய 2-வது இந்திய பந்துவீச்சாளர் என்ற பெருமையை சாஹல் பெற்றார். இதற்கு முன் கடந்த 2007-ம் ஆண்டில் முரளி கார்த்திக் 27 ரன்களுக்கு 6 விக்கெட்டுகளையும், 2004-ம் ஆண்டில் அகர்கர் 42 ரன்களுக்கு 6 விக்கெட்டுகளையும் கைப்பற்றி இருந்தனர்.
3. ஆஸ்திரேலயாவில் 5 விக்கெட்டுகளை வீழ்த்திய 8-வது சுழற்பந்துவீச்சாளர் சாஹல் ஆவார். இதற்கு முன் விக்கெட்டுகளை வீழ்த்தியவர்கள்: அப்துல் காதர் (பாக்.1984), ரவி சாஸ்திரி (1991), ஷேன் வார்ன் (1996), சாக்லின் முஷ்டாக் (1996), ஜிம்மி ஆடம்ஸ் (தெ.ஆப் 1996), இம்ரான் தாஹிர் (2015).
4. ரவி சாஸ்திரி கடந்த 19991-ம் ஆண்டு பெர்த் மைதானத்தில் 5 விக்கெட் வீழ்த்திய நிலையில், அவர் பயிற்சியின் கீழ் சுழற்பந்து வீச்சாளர் ஒருவர் 4 விக்கெட்டுகள் வீழ்த்திய நிலையில், அதற்கு மேல் எடுத்தவர் சாஹல் மட்டுமே.
5. ஒருநாள் போட்டியில் 6 விக்கெட்டுகளை வீழ்த்திய 7-வது இந்திய பந்துவீச்சாளர் சாஹல்.
6. கடந்த 2014-ம் ஆண்டில் ஸ்டூவர்ட் பின்னி 4 ரன்ளுக்கு 6 விக்கெட்டுகளை வீழ்த்தி இருந்தார். இது தவிர அனில் கும்ப்ளே, ஆஷிஸ் நெஹ்ரா, குல்தீப் யாதவ், முரளி கார்த்திக், அஜித் அகர்கர் ஆகியோர் வீழ்த்தியுள்ளனர்.
Sign up to receive our newsletter in your inbox every day!
WRITE A COMMENT