Published : 07 Nov 2018 15:19 pm

Updated : 07 Nov 2018 15:56 pm

 

Published : 07 Nov 2018 03:19 PM
Last Updated : 07 Nov 2018 03:56 PM

‘இந்திய பேட்ஸ்மேன்களை பிடிக்காவிட்டால், இந்தியாவில் இருக்காதீர்கள்’: ரசிகருக்கு விராட் கோலி ஆவேச பதில்

இந்திய பேட்ஸ்மேன்களை பிடிக்காத இந்திய ரசிகர்கள் இந்தியாவில் வசிக்க வேண்டாம், அவர்கள் எந்த நாட்டு வீரரை பிடிக்கிறதோ அந்த நாட்டுக்குச் செல்லலாம் என்று இந்திய அணியின் கேப்டன் விராட் கோலி ஆவேசமாகப் பேசியுள்ளார்.

இந்திய அணியின் கேப்டன் விராட் கோலி சமீபகாலமாக அசைக்க முடியாத பேட்டிங் ஃபார்மில் இருந்து வருகிறார். ஒரு நாள் போட்டியில் குறைந்த இன்னிங்ஸில் 10 ஆயிரம் ரன்களை எட்டி உலக சாதனை படைத்துள்ளார். மேற்கிந்தியத்தீவுகள் அணிக்கு எதிரான ஒருநாள் போட்டியில் தொடர்ந்து ஹாட்ரிக் சதங்கள் அடித்து சிம்மசொப்னமாக திகழ்ந்தார்.

இதனால், விராட் கோலி ரசிகர்கள் மகிழ்ச்சியின் உச்சத்தில் இருந்து வருகின்றனர். விராட் கோலி சதம் அடித்த போதும், அவர் 10 ஆயிரம் ரன்களை குவித்த போதும் அவரை வாழ்த்தி லட்சக்கணக்கான அவரின் ரசிகர்கள் ட்விட்டரில் வாழ்த்துத் தெரிவித்தனர். அதேசமயம், விராட் கோலி ஏதாவது ஒரு போட்டியில் குறைந்த ரன்களில் ஆட்டமிழந்தாலும் அவருடைய ரசிகர்கள் அவரை விட்டுக்கொடுக்காமல் ஊக்கப்படுத்தி வருகின்றனர். இதனால், விராட் கோலிக்கு மிகப்பெரிய பலமாக ரசிகர்கள் இருந்து வருகின்றனர்.

இந்நிலையில், விராட் கோலியின் ட்விட்டரில் ரசிகர் ஒருவர் ரீட்வீட் செய்தது அவருக்குக் கோபத்தை ஏற்படுத்தியுள்ளது. இதனால், அந்த ரசிகரை கடுமையாகக் கண்டித்து விராட் கோலி வெளியிட்ட வீடியோ சமூக ஊடகங்களில் வைரலாகி வருகிறது.

அந்த வீடியோவில் விராட் கோலி கூறியிருப்பதாவது:

ஒரு ரசிகர் என்னிடம் ஒரு கேள்வியை கேட்டிருக்கிறார். அதில், விராட் கோலி மீது அளவுக்கு அதிகமான நம்பிக்கையும், நல்ல எண்ணமும் ரசிகர்கள் வைத்திருக்கிறார்கள். எனக்குத் தெரிந்து அவரிடம் ஏதும் சிறப்பான பேட்டிங் திறமை இருப்பதாகத் தெரியவில்லை. நான் இந்திய பேட்ஸ்மேன்கள் பேட்டிங் செய்வதை ரசிப்பதைக் காட்டிலும், இங்கிலாந்து பேட்ஸ்மேன்கள், ஆஸ்திரேலிய பேட்ஸ்மேன்கள் பேட்ச செய்வதை ரசித்துப் பார்ப்பேன் என்று அந்த ரசிகர் தெரிவித்துள்ளார்.

இதற்கு என்னுடைய பதில் என்னவெனில், “ என்னைப் பொறுத்தவரை இந்த கருத்தைக் கூறிய அந்த ரசிகர் இந்தியாவில் வசிக்க வேண்டும் என்று நான் நினைக்கவில்லை. இந்தியாவை விட்டு வெளியேறி வேறு எங்காவது சென்று வசிக்கலாம், வாழலாம். ஏதற்காக மற்ற நாடுகளை விரும்பிக்கொண்டு, நேசித்துக்கொண்டு இந்தியாவில் அந்த ரசிகர் வாழ வேண்டும். நீங்கள் என்னைப் பிடிக்கவில்லை என்பதற்காகக் கவலைப்படவில்லை, அதனால் இப்படிப் பேசவில்லை. மற்ற நாடுகளை விரும்பிக்கொண்டு, இந்தியாவில் வசிக்க வேண்டும் என்று நான் நினைக்கவில்லை. உங்களுடைய முன்னுரிமை எதுவென்று முடிவு செய்யுங்கள் என்று காட்டமாக கோலி பதில் அளித்துள்ளார்.

விராட் கோலி பேசும் இந்த விடியோ சமூக ஊடகங்களில் பெரும் வைரலாகி வருகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை


Sign up to receive our newsletter in your inbox every day!

You May Like

More From This Category

More From this Author