சென்னை: எம்சிசி-முருகப்பா தங்க கோப்பை ஹாக்கி போட்டி சென்னையில் நடைபெற்று வருகிறது. இதன் முதல் அரை இறுதியில் இந்தியன் ரயில்வே - ஐஓசி நேற்று மோதின. இதில் இந்தியன் ரயில்வே 7-1 என்ற கோல் கணக்கில் வெற்றி பெற்று இறுதிப் போட்டிக்கு முன்னேறியது.
அந்த அணி சார்பில் பங்கஜ் ராவத் 3 கோல்களையும், தர்ஷன் கவுகார் 2 கோல்களையும், ஷிவம் ஆனந்த், ஹர்தாஜ் அவுஜ்லா ஆகியோர் தலா ஒரு கோலையும் அடித்தனர்.
2-வது அரை இறுதியில் இந்திய கடற்படை அணி 2-0 என்ற கோல் கணக்கில் இந்திய ராணுவ அணியை வீழ்த்தியது. அஷிஷ் டோப்னோ, ரஜத் மின்ஸ் ஆகியோர் தலா ஒரு கோல் அடித்தனர். இன்று மாலை 6.15 மணிக்கு நடைபெறும் இறுதிப் போட்டியில் இந்தியன் ரயில்வே இந்திய கடற்படை அணிகள் பலப்பரீட்சை நடத்துகின்றன.