இங்கிலாந்து அணி 72/3 - வெற்றியை வசப்படுத்த 536 ரன்கள் தேவை!

பர்​மிங்​காம்: 2-வது டெஸ்ட் கிரிக்​கெட் போட்​டி​யில் இங்​கிலாந்து அணிக்கு 608 ரன்​களை இலக்​காக நிர்​ண​யித்​தது இந்​திய அணி. கேப்​டன் ஷுப்​மன் கில் 2-வது இன்​னிங்​ஸில் 162 பந்​துகளில் 161 ரன்​கள் விளாசி அசத்​தி​னார். இங்​கிலாந்​து அணி இதுவரை 3 விக்கெட் இழப்புக்கு 72 ரன்களை இங்கிலாந்து எடுத்துள்ள நிலையில் வெற்றியை வசப்படுத்த 536 ரன்கள் அந்த அணிக்கு தேவை.

பர்​மிங்​காமில் உள்ள எட்​ஜ்​பாஸ்​டன் மைதானத்​தில் நடை​பெற்று வரும் இந்த டெஸ்ட் போட்​டி​யில் இந்​திய அணி முதல் இன்​னிங்​ஸில் 587 ரன்​கள் குவித்​தது. அதி​கபட்​ச​மாக கேப்​டன் ஷுப்​மன் கில் 269 ரன்​கள் விளாசி​னார். இதையடுத்து விளை​யாடிய இங்​கிலாந்து அணி 3-வது நாள் ஆட்​டத்​தில் 89.3 ஓவர்​களில் 407 ரன்​கள் எடுத்து முதல் இன்​னிங்​ஸில் ஆட்​ட​மிழந்​தது. அதி​கபட்​ச​மாக ஜேமி ஸ்மித் 184, ஹாரி புரூக் 158 ரன்​கள் விளாசினர். இந்​திய அணி தரப்​பில் முகமது சிராஜ் 6, ஆகாஷ் தீப் 4 விக்​கெட்​களை வீழ்த்​தினர்.

180 ரன்​கள் முன்​னிலை​யுடன் 2-வது இன்​னிங்ஸை விளை​யாடிய இந்​திய அணி 3-வது நாள் ஆட்​டத்​தின் முடி​வில் 13 ஓவர்​களில் ஒரு விக்​கெட் இழப்​புக்கு 64 ரன்​கள் எடுத்​தது. யஷஸ்வி ஜெய்​ஸ்​வால் 28 ரன்​களில் ஆட்​ட​மிழந்​தார். கே.எல்​.​ராகுல் 28, கருண் நாயர் 7 ரன்​களு​டன் ஆட்​ட​மிழக்​காமல் இருந்​தனர். நேற்று 4-வது நாள் ஆட்​டத்தை இந்​திய அணி தொடர்ந்து விளை​யாடியது. கருண் நாயர் 46 பந்​துகளில், 5 பவுண்​டரி​களு​டன் 26 ரன்​கள் எடுத்த நிலை​யில் பிரைடன் கார்ஸ் பந்​தில் விக்​கெட் கீப்​பர் ஜேமி ஸ்மித்​திடம் கேட்ச் கொடுத்து வெளி​யேறி​னார்.

இதையடுத்து ஷுப்​மன் கில் களமிறங்​கி​னார். தனது 18-வது அரை சதத்தை கடந்த கே.எல்​.​ராகுல் 84 பந்​துகளில், 10 பவுண்​டரி​களு​டன் 55 ரன்​கள் எடுத்த நிலை​யில் ஜோஷ் டங்க் பந்​தில் போல்​டா​னார். இதையடுத்து களமிறங்​கிய ரிஷப் பந்த், ஷுப்​மன் கில்​லுடன் இணைந்து தாக்​குதல் ஆட்​டம் மேற்​கொண்​டார். ஜோஷ் டங்க் வீசிய 30, 32 மற்​றும் 44-வது ஓவர்​களில் சிக்​ஸர் விளாசி மிரட்​டி​னார் ரிஷப் பந்த். அதேவேளை​யில் ஷுப்​மன் கில், ஜோஷ் டங்க் வீசிய 40 மற்​றும் 42-வது ஓவர்​களில் சிக்​ஸர் விளாசி​னார்.

தனது 16-வது அரை சதத்தை கடந்த ரிஷப் பந்த் 58 பந்​துகளில், 3 சிக்​ஸர்​கள், 8 பவுண்​டரி​களு​டன் 65 ரன்​கள் விளாசிய நிலை​யில் ஷோயிப் பஷிர் பந்தை விளாச முயன்ற போது லாங் ஆஃப் திசை​யில் பென் டக்​கெட்​டிடம் கேட்ச் ஆனது. ரிஷப் பந்த், ஷுப்​மன் கில் ஜோடி 4-வது விக்​கெட்​டுக்கு 110 ரன்​கள் சேர்த்​தது. இதையடுத்து களமிறங்​கிய ரவீந்​திர ஜடேஜா பொறுமை​யாக விளை​யாட மறு​முனை​யில் ஷுப்​மன் கில் அதிரடி​யாக விளை​யாடி​னார்.

மட்​டையை சுழற்​றிய ஷுப்​மன் கில் 129 பந்​துகளில், 3 சிக்​ஸர்​கள், 9 பவுண்​டரி​களு​டன் தனது 8-வது சதத்தை விளாசி​னார். முதல் இன்​னிங்​ஸில் அவர், இரட்டை சதம் அடித்​திருந்​தார். இதன் மூலம் ஒரே டெஸ்ட் போட்​டி​யில் இரட்டை சதம் மற்​றும் சதம் விளாசிய 9-வது வீரர் என்ற பெரு​மை​யை​யும் இந்த சாதனையை நிகழ்த்​திய 2-வது இந்​திய வீரர் என்ற பெயரை​யும் பெற்​றார். இந்​திய வீரர்​களில் இதற்கு முன்​னர் சுனில் கவாஸ்​கர் 1971-ம் ஆண்டு மேற்கு இந்​தி​யத் தீவு​களில் நடை​பெற்ற டெஸ்ட் போட்​டி​யில் முதல் இன்​னிங்​ஸில் 124 ரன்​களும், 2-வது இன்​னிங்​ஸில் 220 ரன்​களும் விளாசி​யிருந்​தார்.

சதம் விளாசிய பின்​னர் ரன் குவிக்​கும் வேகத்தை ஷுப்​மன் கில் அதி​கரித்​தார். 162 பந்​துகளில், 8 சிக்​ஸர்​கள், 13 பவுண்​டரி​களு​டன் 161 ரன்​கள் விளாசிய நிலை​யில் ஷோயிப் பஷிர் பந்​தில் அவரிடமே பிடி கொடுத்து ஆட்​ட​மிழந்​தார் ஷுப்​மன் கில். 5-வது விக்​கெட்​டுக்கு ஷுப்​மன் கில், ஜடேஜா ஜோடி 175 ரன்​கள் குவித்​தது. இதையடுத்து களமிறங்​கிய நித்​திஷ் குமார் ரெட்டி ஒரு ரன்​னில் ஜோ ரூட் பந்​தில் ஆட்​ட​மிழந்​தார்.

83 ஓவர்​களில் இந்​திய அணி 6 விக்​கெட்​கள் இழப்​புக்கு 427 ரன்​கள் குவித்த நிலை​யில் 2-வது இன்​னிங்ஸை டிக்​ளேர் செய்​தது. ஜடேஜா 118 பந்​துகளில், 5 பவுண்​டரி​களு​டன் 68 ரன்​களும், வாஷிங்​டன் சுந்​தர் 12 ரன்​களும் சேர்த்து ஆட்​ட​மிழக்​காமல் இருந்​தனர். இதன் மூலம் இங்​கிலாந்து அணிக்கு 608 ரன்​களை இலக்​காக நிர்​ண​யித்​தது இந்​திய அணி. இமாலய இலக்​கை நோக்​கி இங்​கிலாந்​து அணி பேட்​டிங்​ செய்​யத்​ தொடங்கியது. இதுவரை 3 விக்கெட் இழப்புக்கு 72 ரன்களை இங்கிலாந்து எடுத்துள்ள நிலையில் வெற்றியை வசப்படுத்த 536 ரன்கள் அந்த அணிக்கு தேவை.