​விம்​பிள்​டன் டென்​னிஸ் போட்டி இன்று தொடக்​கம்!

லண்டன்: கிராண்ட்ஸ்லாம் போட்டிகளில் ஒன்றான விம்பிள்டன் டென்னிஸ் போட்டி லண்டனில் இன்று தொடங்கவுள்ளது. ஒற்றையர் பிரிவில் பட்டம் வெல்லும் வீரர், வீராங்கனைக்கு தலா ரூ.35 கோடி பரிசு வழங்கப்படும் என்று தெரிய வந்துள்ளது.

ஆண்டுதோறும் 4 கிராண்ட்ஸ்லாம் டென்னிஸ் போட்டிகள் நடத்தப்படுகின்றன. ஆண்டின் முதலாவது கிராண்ட்ஸ்லாம் போட்டியாக ஆஸ்திரேலிய ஓபனும், 2-வது கிராண்ட்ஸ்லாம் போட்டியாக பிரெஞ்சு ஓபனும், 3-வது போட்டியாக விம்பிள்டனும், நான்காவது மற்றும் கடைசி கிராண்ட்ஸ்லாம் போட்டியாக அமெரிக்க ஓபனும் நடைபெறும். அதன்படி கிராண்ட்ஸ்லாம் போட்டிகளில் மிக உயரியதாக கருதப்படும் விம்பிள்டன் டென்னிஸ் தொடர் இன்று முதல் (ஜூன் 30) ஜூலை 13-ம் தேதி வரை லண்டனில் நடைபெறவுள்ளது.

விம்​பிள்​டன் டென்​னிஸ் போட்​டி​யின் ஆடவர் பிரி​வில் முதல் நிலை வீர​ராக ஜன்​னிக் சின்​னரும் (இத்​தாலி), மகளிர் பிரி​வில் பெலாரஸ் வீராங்​கனை அரினா சபலென்கா​வும் உள்​ளனர்.

ஆடவர் பிரி​வில் கடந்த 2 ஆண்​டு​களாக பட்​டம் வென்​றுள்ள ஸ்பெ​யின் வீரர் கார்​லோஸ் அல்​க​ராஸ் இம்​முறை​யும் பட்​டம் வெல்​லும் முனைப்​பில் களம் இறங்​கு​கிறார். அதே​நேரத்​தில் டென்​னிஸ் உலகில் அதிக கிராண்ட்​ஸ்​லாம் பட்​டங்​களை வென்​றவ​ரான செர்​பிய வீரர் நோவக் ஜோகோ​விச், இம்​முறை பட்​டம் வெல்​லும் உறு​தி​யுடன் வந்​துள்​ளார்.

அவர் இது​வரை 24 கிராண்ட்​ஸ்​லாம் பட்​டங்​களை வென்று உலக சாதனை படைத்​துள்​ளார். இம்​முறை அவர் ஒற்​றையர் பிரி​வில் சாம்​பியன் பட்​டம் வென்​றால், அதிக கிராண்ட்​ஸ்​லாம் பட்​டங்​களை (ஆட​வர், மகளிர் இருபிரி​விலும்) வென்ற சாதனைக்கு சொந்​தக்​காரர் ஆவார்.

மகளிர் பிரி​வில் ஆஸ்​திரேலிய வீராங்​கனை மார்​கரெட் கோர்ட் இது​வரை ஒற்​றையர் பிரி​வில் 24 கிராண்ட்​ஸ்​லாம் பட்​டங்​களை வென்று உலக சாதனை படைத்​துள்ளார் என்​பது குறிப்​பிடத்​தக்​கது.

ஆடவர் பிரி​வில் ஜன்​னிக் சின்​னர்​(இத்​தாலி), அலெக்​சாண்​டர் ஸ்வரேவ்​(ஜெர்​மனி), ஜாக் டிராப்​பர்​(இங்​கிலாந்​து), டெய்​லர் பிரிட்​ஸ்​(அமெரிக்​கா) உள்​ளிட்​டோர் பட்​டம் வெல்​வதற்கு ஆயத்​த​மாகி உள்​ளனர்.

மகளிர் பிரி​வில் கடந்​தாண்டு பட்​டம் வென்ற பார்​பரா கிரெஜ்சிகோ​வா(செக் குடியரசு), முன்​னணி வீராங்​கனை அரி​னா சபலென்​​கா (பெலாரஸ்​), அமெரிக்​க வீ​ராங்​கனை கோகோ ​காஃப்​, ஜெசி​கா பெகுலா(அமெரிக்​​கா), ஜாஸ்​மின்​ பவோலினி(இத்​​தாலி) உள்​ளிட்​டோர்​ களம்​ கண்​டு
உள்​ளனர்​.

பட்​டம் வெல்​பவருக்கு ரூ.35 கோடி பரிசு: விம்​பிள்​டன் கிராண்ட்​ஸ்​லாம் டென்​னிஸ் போட்​டிக்​கான பரிசுத்​தொகை விவரத்தை ஆல் இங்​கிலாந்து டென்​னிஸ் கிளப் அறி​வித்​துள்​ளது.

இதன்​படி போட்​டிக்​கான மொத்த பரிசுத்​தொகை ரூ.620 கோடி​யாக உள்​ளது. இது சென்ற ஆண்டை விட 7 சதவீதம் அதி​க​மாகும். ஒற்​றையர் பிரி​வில் பட்​டம் வெல்​லும் வீரர், வீராங்​கனை சுமார் தலா ரூ.35 கோடியை பரிசுத்​தொகை​யாக பெறு​வர். முந்​தைய ஆண்​டுடன் ஒப்​பிடும் போது இது 11.1 சதவீதம் கூடு​தலாகும். 2-வது இடத்தை பிடிப்​போருக்கு ரூ.17.75 கோடி பரி​சாகக் கிடைக்​கும். இரட்​டையர் போட்​டிகளில் வாகை சூடும் ஜோடிக்கு ரூ.8 கோடி வழங்​கப்​படும்.