ஹாக்கியில் இந்திய மகளிர் அணி மீண்டும் தோல்வி

பெர்த்: இந்திய மகளிர் ஹாக்கி அணி ஆஸ்திரேலியாவில் சுற்றுப்பயணம் செய்து விளையாடி வருகிறது. ஆஸ்திரேலியா ‘ஏ’ அணிக்கு எதிராக நடைபெற்ற இரு ஆட்டங்களில் 3-5, 2-3 என்ற கோல் கணக்கில் தோல்வி அடைந்திருந்தது. தொடர்ந்து ஆஸ்திரேலியா சீனியர் அணிக்கு எதிரான ஆட்டத்தில் 0-2 என்ற கோல் கணக்கில் வீழ்ந்திருந்தது. இந்நிலையில் நேற்று பெர்த் நகரில் நடைபெற்ற ஆட்டத்தில் இந்திய அணி, ஆஸ்திரேலியாவுடன் மோதியது.

இதில் கடுமையாக போராடிய இந்திய அணி 2-3 என்ற கோல் கணக்கில் தோல்வி அடைந்தது. இந்திய அணி தரப்பில் நவ்னீத் கவுர் (35-வது நிமிடம்), லால்ரெம்சியாமி (59-வது நிமிடம்) ஆகியோர் தலா ஒரு கோல் அடித்தனர். ஆஸ்திரேலிய அணி சார்பில் கிரேஸ் டூவர்ட் (2-வது நிமிடம்), ஜேட் ஸ்மித் (36-வது நிமிடம்), கிரேட்டா ஹேய்ஸ் (42-வது நிமிடம்) ஆகியோர் தலா ஒரு கோல் அடித்தனர். இந்திய அணி தனது கடைசி ஆட்டத்தில் இன்று மீண்டும் மோதுகிறது.