பஞ்சாப் கிங்ஸுடன் இன்று பலப்பரீட்சை: சொந்த மண்ணில் முதல் வெற்றியை பெறுமா ஆர்சிபி?

பெங்களூரு: ஐபிஎல் டி 20 கிரிக்​கெட் தொடரில் இன்று இரவு 7.30 மணிக்கு பெங்​களூரு​வில் உள்ள சின்​ன​சாமி மைதானத்​தில் நடை​பெறும் ஆட்​டத்​தில் ராயல் சாலஞ்​சர்ஸ் பெங்​களூரு - பஞ்​சாப் கிங்ஸ் அணி​கள் மோதுகின்றன.

ரஜத் பட்​டி​தார் தலை​மையி​லான ராயல் சாலஞ்​சர்ஸ் பெங்​களூரு (ஆர்​சிபி) அணி 6 ஆட்​டங்​களில் விளை​யாடி 4 வெற்​றி, 2 தோல்வி​களு​டன் 8 புள்​ளி​கள் பெற்று பட்​டியலில் 3-வது இடத்​தில் உள்​ளது. ஸ்ரேயஸ் ஐயர் தலை​மையி​லான பஞ்​சாப் கிங்ஸ் அணி​யும் 4 வெற்​றி, 2 தோல்வி​களு​டன் 8 புள்​ளி​கள் பெற்​றுள்​ளது. எனினும் ரன் ரேட் அடிப்​படை​யில் அந்த அணி 4-வது இடத்​தில் உள்​ளது.

இரு அணி​களுமே தங்​களது கடைசி ஆட்​டங்​களில் வெற்றி கண்​டிருந்​தன. ஆர்​சிபி, ராஜஸ்​தான் ராயல்ஸ் அணியை 9 விக்​கெட்​கள் வித்​தி​யாசத்​தில் வீழ்த்​தி​யிருந்​தது. இந்த ஆட்​டத்​தில் 174 ரன்​கள் இலக்கை துரத்​திய ஆர்​சிபி ஒரு விக்​கெட்டை மட்​டுமே இழந்து 15 பந்​துகளை மீதம் வைத்து வெற்றி கண்​டிருந்​தது. அதேவேளை​யில் பஞ்​சாப் கிங்ஸ் அணி தனது கடைசி ஆட்​டத்​தில் கொல்கத்தாவுக்கு எதிராக 111 ரன்​கள் மட்​டுமே சேர்த்த போதி​லும் அபார​மான பந்து வீச்​சால் 16 ரன்​கள் வித்​தி​யாசத்​தில் வெற்​றியை வசப்​படுத்​தி​யிருந்​தது.

ஆர்​சிபி அணி​யின் 4 வெற்​றிகளுமே வெளி மை​தானங்​களில் கிடைக்​கப்​பெற்​றவை​யாகும். சொந்த மைதானத்​தில் அந்த அணி இரு ஆட்​டங்​களில் விளை​யாடி தோல்​வியையே சந்​தித்​துள்​ளது. குஜ​ராத் டைட்​டன்ஸ் அணிக்கு எதி​ராக 8 விக்​கெட்​கள் வித்​தி​யாசத்​தி​லும், டெல்லி கேப்​பிடல்ஸ் அணிக்கு எதி​ரான ஆட்​டத்​தில் 6 விக்​கெட்​கள் வித்​தி​யாசத்​தி​லும் சின்​ன​சாமி மைதானத்​தில் ஆர்​சிபி அணி வீழ்ந்​திருந்​தது.

இந்த இரு ஆட்​டங்​களி​லும் ஆர்​சிபி அணி சுழற்​பந்து வீச்​சுக்கு எதி​ராக ரன்​கள் சேர்க்க தடு​மாறி​யிருந்​தது. குஜ​ராத் அணி​யின் சாய் கிஷோர் 22 ரன்​களை விட்​டுக்​கொடுத்து 2 விக்​கெட்​களை​யும், டெல்லி அணி​யின் குல்​தீப் யாதவ் 17 ரன்​களை வழங்கி 2 விக்​கெட்​களை​யும், விப்​ராஜ் நிகாம் 18 ரன்​களை விட்​டுக்​கொடுத்து 2 விக்​கெட்​களை​யும் வீழ்த்​தி​யிருந்​தனர். இதனால் இன்​றைய ஆட்​டத்​தில் பஞ்​சாப் அணி​யின் யுவேந்​திர சாஹல், கிளென் மேக்​ஸ்​வெல் ஆகியோர் பெங்​களூரு அணி​யின் பேட்​டிங் வரிசைக்கு அழுத்​தம் கொடுக்​கக்​கூடும்.

ஏனெனில் கொல்​கத்தா நைட் ரைடர்ஸ் அணிக்கு எதி​ரான ஆட்​டத்​தில் சாஹல் முக்​கிய​மான கட்​டத்​தில் 4 விக்​கெட்​களை வீழ்த்தி அணி​யின் வெற்​றி​யில் முக்​கிய பங்கு வகித்​திருந்​தார். அந்த ஆட்​டத்​தில் பேட்​ஸ்​மேன்​களை பெரிய அளவி​லான ஷாட்​கள் மேற்​கொள்ள தூண்டி அவர்​களை ஆட்​ட​மிழக்​கச் செய்​யும் யுக்​தியை சாஹல் கையாண்​டிருந்​தார். மேலும் பந்து வீச்​சின் வேகம், ஆஃப் ஸ்டெம்​பு​களுக்கு வெளியே வீசுவது என பல்​வேறு மாறு​பாடு​களை​யும் செய்​திருந்​தார். அதே பாணியை அவர், ஆர்​சிபிக்கு எதி​ராக​வும் பயன்​படுத்​தக்​கூடும்.

மேக்​ஸ்​வெல்​லும் இதே​போன்று செயல்​படக்​கூடிய​வர்​தான். ஆடு​களத்​தில் பந்​துகள் சுழலா​விட்​டாலும் கட்​டுப்​பாடுடன் வீசும் திறன் கொண்ட மேக்​ஸ்​வெல், வலது கை பேட்​ஸ்​மேன்​களுக்கு அழுத்​தம் கொடுக்​கக்​கூடிய​வர். பெங்​களூரு அணி​யில் அதிக அளவி​லான வலது கை பேட்​ஸ்​மேன்​கள் இருப்​பதை மேக்​ஸ்​வெல் பயன்​படுத்​திக் கொள்​ளக்​கூடும்.

சொந்த மண்​ணில் தோல்வி அடைந்த இரு ஆட்​டங்​களி​லும் ஆர்​சிபி அணி முதலில் பேட்​டிங் செய்து முறையே 169 மற்​றும் 163 ரன்​களே எடுத்​திருந்​தது. இதனால் ஆடு​களத்​தின் தன்​மையை கருத்​தில் கொண்டு இன்​றைய ஆட்​டத்​தில் அந்த அணி டாஸை வெல்​லும் பட்​சத்​தில் பீல்​டிங்கை தேர்வு செய்​வதற்​கான வாய்ப்​பு​கள் உள்​ளது. கடந்த ஆட்​டத்​தில் 30 பந்​துகளில் 65 ரன்​கள் விளாசிய பில் சால்ட், 45 பந்​துகளில் 62 ரன்​கள் சேர்த்த விராட் கோலி, 28 பந்​துகளில், 40 ரன்​கள் விளாசிய தேவ்​தத் படிக்​கல் ஆகியோரிடம் இருந்து மேலும் ஒரு சிறந்த ஆட்​டம் வெளிப்​படக்​கூடும்.

ரஜத் பட்​டி​தார் சுழற்​பந்து வீச்​சுக்கு எதி​ராக சிறப்​பாக செயல்​படக்​கூடிய​வர். இதனால் அவரது மட்டை வீச்சு சாஹல், மேக்​ஸ்​வெல்​லுக்கு நெருக்​கடி கொடுக்​கக்​கூடும். இதே​போன்று பஞ்​சாப் அணி​யின் கேப்​டன் ஸ்ரேயஸ் ஐயரும் சுழலுக்கு எதி​ராக அற்​புத​மாக விளை​யாடும் திறன் கொண்​ட​வர். இதனால் அவர், ஆர்​சிபி சுழற்​பந்து வீச்​சாளர்​களான கிருணல்​ பாண்​டி​யா, சுயாஷ் சர்​மா ஆகியோருக்​கு அழுத்​தம்​ கொடுக்​கக்​கூடும்​.