மொயின் அலி அதிர்ச்சி நீக்கம்: ஆதில் ரஷீத் அணியில்; இங்கிலாந்து லெவன் அறிவிப்பு

புதனன்று இந்தியாவுக்கு எதிராக எட்ஜ்பாஸ்டனில் தொடங்கும் முதல் டெஸ்ட் போட்டிக்கான விளையாடும் 11 வீரர்கள் அணியை இங்கிலாந்து அறிவித்துள்ளது.

இந்த அணியில் ஆல்ரவுண்டர் மொயின் அலி நீக்கப்பட்டு, தேர்வில் கடுமையாக விமர்சிக்கப்பட்ட லெக் ஸ்பின்னர் ஆதில் ரஷீத் சேர்க்கப்பட்டுள்ளார்.

ஸ்பின்னுக்கான வாய்ப்பு அதிகமாக இருக்காது, தண்ணீர் விட்டு பிட்சை வளர்த்தெடுத்துள்ளது எட்ஜ்பாஸ்டன் மைதான நிர்வாகக் குழு, ஆனாலும் மொயின் அலியின் அனுபவத்துக்கு முன்னால் சிகப்புப் பந்து கிரிக்கெட்டில் தலைவைத்துப் படுக்காத ஆதில் ரஷீத்துக்கு இங்கிலாந்து அணி விளையாடும் வாய்ப்பை வழங்கியுள்ளது.

பாகிஸ்தானுக்கு எதிராக அறிமுகமான ஆல்ரவுண்டர் சாம் கரன் வேகப்பந்து வீச்சு தெரிவாக அணியில் களமிறங்குகிறார்.

விளையாடும் 11 வீரர்கள் கொண்ட இங்கிலாந்து அணி வருமாறு:

அலிஸ்டர் குக், ஜெனிங்ஸ், ரூட், மலான், பேர்ஸ்டோ, ஸ்டோக்ஸ், பட்லர், சாம் கரன், ஆதில் ரஷீத், பிராட், ஆண்டர்சன்.