Published : 28 Jun 2018 09:17 am

Updated : 28 Jun 2018 09:17 am

 

Published : 28 Jun 2018 09:17 AM
Last Updated : 28 Jun 2018 09:17 AM

ஐஸ்லாந்து வெளியேற்றம்

உலகக் கோப்பை கால்பந்து தொடரில் நேற்று முன்தினம் டி பிரிவில் நடைபெற்ற ஆட்டம் ஒன்றில் குரோஷியாவிடம் 2-1 என்ற கோல் கணக்கில் தோல்வியடைந்த ஐஸ்லாந்து அணி தொடரில் இருந்து வெளியேறியது.

ரஷ்யாவின் ரோஸ்டவ் மைதானத்தில் நடைபெற்ற இந்த ஆட்டத்தில் ஏற்கெனவே நாக் அவுட் சுற்றுக்கு தகுதி பெற்றிருந்த குரோஷியா அணியில் 9 வீரர்கள் மாற்றப்பட்டிருந்தனர். முதல் பாதியில் இரு அணிகளும் கோல் அடிக்க எடுத்த முயற்சிகளுக்கு பலன் கிடைக்கவில்லை. 53-வது நிமிடத்தில் பாக்ஸின் மையப்பகுதியில் இருந்து மிலன் படேஜ், கோல் அடிக்க குரோஷியா 1-0 என முன்னிலை பெற்றது. 75-வது நிமிடத்தில் பெனால்டி பகுதியில் வைத்து குரோஷிய வீரர் லவ்ரென் கையில் பந்து பட்டது. இதனால் ஐஸ்லாந்து அணிக்கு பெனால்டி கிக் வாய்ப்பு வழங்கப்பட்டது. இதை பயன்படுத்தி கில்ஃபி சிகுர்ட்ஸன் கோல் அடிக்க ஆட்டம் 1-1 என்ற சமநிலையை எட்டியது.


90-வது நிமிடத்தில் மிலன் படேஜின் உதவியுடன் பந்தை பெற்ற இவான் பெரிஸிக் கோல்கம்பத்தின் வலது ஓரத்தில் பந்தை அணிக்கு குரோஷியா 2-1 முன்னிலையை பெற்றது. இதன் பின்னர் காயங்களுக்கு இழப்பீடாக வழங்கப்பட்ட நேரத்தில் மேற்கொண்டு கோல்கள் அடிக்கப்படவில்லை. முடிவில் குரோஷியா 2-1 என்ற கோல் கணக்கில் ஹாட்ரிக் வெற்றியை பதிவு செய்தது.

இதன் மூலம் 9 புள்ளிகளுடன் தனது பிரிவில் முதலிடம் பிடித்த குரோஷியா, நாக் அவுட் சுற்றில் வரும் 1-ம் தேதி டென்மார்க் அணியை எதிர்கொள்கிறது. அதேவேளையில் அறிமுக அணியான ஐஸ்லாந்து அணி இரு தோல்வி, ஒரு டிராவுடன் தொடரில் இருந்து வெளியேறியது.


Sign up to receive our newsletter in your inbox every day!

More From This Category

More From this Author

x