டி 20 ஆட்டம் மழையால் ரத்து

இந்தியா - தென் ஆப்பிரிக்கா மகளிர் கிரிக்கெட் அணிகள் இடையிலான 4-வது டி 20 ஆட்டம் மழையால் கைவிடப்பட்டது.

செஞ்சுரியன் நகரில் நேற்று நடைபெற்ற இந்த ஆட்டத்தில் முதலில் பேட் செய்த தென் ஆப்பிரிக்க அணி 15.3 ஓவர்களில் 3 விக்கெட்கள் இழப்புக்கு 130 ரன்கள் சேர்த்திருந்த போது மழையால் ஆட்டம் தடைபட்டது. இடைவிடாது மழை பெய்ததால் 2 மணி நேரத்துக்கு பிறகு ஆட்டம் கைவிடப்படுவதாக நடுவர்கள் அறிவித்தனர். 5 போட்டிகள் கொண்ட இந்த டி 20 தொடரில் இந்திய அணி 2-1 என முன்னிலை வகிக்கிறது. கடைசி டி 20 ஆட்டம் 24-ம் தேதி கேப்டவுனில் நடைபெறுகிறது. இதில் இந்தியா வெற்றி பெறும் பட்சத்தில் ஒரே சுற்றுப்பயணத்தில் தென் ஆப்பிரிக்க மண்ணில் இரு தொடர்களை வென்ற முதல் அணி என்ற பெருமையை பெறும்.