Published : 08 Jan 2018 04:21 PM
Last Updated : 08 Jan 2018 04:21 PM
இருமுறை கொல்கத்தா நைட் ரைடர்ஸ் அணியை சாம்பியன் பட்டத்துக்கு இட்டுச் சென்ற கவுதம் கம்பீரை அந்த அணி தக்க வைக்காததையடுத்து ஐபிஎல் வட்டத்தில் அதிர்ச்சி அலை கிளம்பியது.
இதனையடுத்து இந்த மாத இறுதியில் நடைபெறும் மிகப்பெரிய ஐபிஎல் ஏலத்தில் கவுதம் கம்பீரை ஒப்பந்தம் செய்ய போட்டாப்போட்டி இருக்கும் என்று பரவலாக எதிர்பார்க்கப்பட்டு வருகிறது.
ரைட் டு மேட்ச் கார்டைப் பயன்படுத்தி கொல்கத்தாவே கவுதம் கம்பீரை தக்க வைக்க முடியும் என்ற ஹேஷ்யங்களும் சென்று கொண்டிருக்கிறது.
இந்நிலையில் ட்விட்டரில் விகாஷ்கோத்தாரி என்ற பயனாளர் (@Anti_ESTD), “வரும் ஐபிஎல் ஏலத்தில் கவுதம் கம்பீரை சென்னை சூப்பர் கிங்ஸ் எடுக்கும் என்று வலுவாக உணர்கிறேன்” என்று தெரிவித்திருந்தார். சுவாரசியம் என்னவெனில் இந்த ட்வீட்டுக்கு சென்னை சூப்பர் கிங்சின் அதிகாரபூர்வ ட்விட்டர் ஹேண்டில் வினையாற்றியதே.
இதனையடுத்து கவுதம் கம்பீர், சென்னை சூப்பர் கிங்ஸில் தோனியுடன் இணையலாம் என்ற எதிர்பார்ப்புகள் ரசிகர்கள் மத்தியில் எழுந்துள்ளது.
Sign up to receive our newsletter in your inbox every day!
WRITE A COMMENT