Published : 31 Dec 2017 04:35 PM
Last Updated : 31 Dec 2017 04:35 PM

‘சோம்பேறி’ விமர்சனத்துக்கு உஸ்மான் கவாஜா பதில்

ஸ்மித் தலைமை ஆஸ்திரேலிய அணியில் தேறாத ஒரு வீரர் உஸ்மான் கவாஜா என்று ஆஸ்திரேலிய முன்னாள் வீரர்கள் சிலர் விமர்சனம் செய்ததையடுத்து உஸ்மான் கவாஜா தன்னிலை விளக்கம் அளித்துள்ளார்.

முன்னாள் ஆஸ்திரேலிய விக்கெட் கீப்பர் இயன் ஹீலி, உஸ்மான் கவாஜாவை ‘சோம்பேறி’ என்று வர்ணித்தார்.

இதனையடுத்து உஸ்மான் கவாஜா கூறியதாவது:

இந்த விமர்சனங்கள் எனக்கு கொஞ்சம் அதிசயமாகவே உள்ளது. முதல் இன்னிங்ஸில் என்னுடைய ஸ்கோரிங் விகிதம் மீது ஓரிருவர் விமர்சனங்களை வைத்திருந்தனர். இது டெஸ்ட் கிரிக்கெட், சில வேளைகளில் ரன்களை எளிதில் எடுத்து விட முடியாது. அதற்காக அடிப்பதற்கான நோக்கம் எனக்கில்லை என்று கூறுவதா?

என்னுடைய டிரைவ்கள் சில பீலடர்கள் கைக்குச் சென்றன. பந்தும் அதன் திடத்தன்மையை இழந்து மென்மையானதால் என்னால் வியூகத்தை ஊடுருவ முடியவில்லை. பந்து திடமாக இருந்திருந்தால் அடித்திருக்கலாம்.

முதல் நாளில், மந்தமான பிட்சில் என் பேட்டிங்கை மட்டும் குறைகூறியது எனக்கு அதிசயமாக இருக்கிறது. ஜேம்ஸ் ஆண்டர்சன் பந்துகளில் விரைவில் ரன் எடுக்க முடியாது, பிராடும் கடும் விமர்சனத்துக்குப் பிறகு நன்றாக வீசினர், பொதுவாக அவர்கள் சிக்கனமாக வீசினர். இந்நிலையில் என் பேட்டிங்கை விமர்சிப்பது அதிசயமாகவே இருக்கிறது.

இவ்வாறு கூறினார் கவாஜா.

FOLLOW US

Sign up to receive our newsletter in your inbox every day!

WRITE A COMMENT
 
x