Published : 04 Jul 2014 09:46 am

Updated : 04 Jul 2014 12:47 pm

 

Published : 04 Jul 2014 09:46 AM
Last Updated : 04 Jul 2014 12:47 PM

விம்பிள்டன் இறுதிச்சுற்றில் பெட்ரா விட்டோவா

விம்பிள்டன் டென்னிஸ் போட்டியின் மகளிர் ஒற்றையர் பிரிவில் செக்.குடியரசின் பெட்ரா விட்டோவா இறுதிச்சுற்றுக்கு முன்னேறியுள்ளார்.

லண்டனில் நடைபெற்று வரும் இந்தப் போட்டியில் வியாழக்கிழமை நடைபெற்ற அரையிறுதியில் பெட்ரா விட்டோவா 7-6 (6), 6-1 என்ற நேர் செட்களில் சகநாட்டு வீராங்கனையான லூஸி சபரோவாவை தோற்கடித்தார். 2011 விம்பிள்டன் டென்னிஸ் போட்டியில் சாம்பியன் பட்டம் வென்ற விட்டோவா, 2-வது முறையாக விம்பிள்டனில் இறுதிச்சுற்றுக்கு முன்னேறியுள்ளார்.

ஆடவர் இரட்டையர் பிரிவில் இந்தியாவின் லியாண்டர் பயஸ்-செக்.குடியரசின் ரடேக் ஸ்டெபானெக் ஜோடி அரையிறுதிக்கு முன்னேறியுள்ளது. இந்த ஜோடி வியாழக்கிழமை நடைபெற்ற காலிறுதியில் 3-6, 7-6 (5), 6-3 என்ற செட் கணக்கில் கனடாவின் டேனியல் நெஸ்டர்-செர்பியாவின் நீனாட் ஜிமோன்ஜிக் ஜோடியைத் தோற்கடித்தது.

சானியா ஜோடி முன்னேற்றம்

கலப்பு இரட்டையர் பிரிவில் இந்தியாவின் சானியா மிர்சா-ருமேனியாவின் ஹாரியா டீக்கா ஜோடி காலிறுதிக்கு முந்தைய சுற்றுக்கு முன்னேறியுள்ளது. இந்த ஜோடி 6-3, 6-3 என்ற நேர் செட்களில் குரேஷியாவின் மேட் பேவிக்-செர்பியாவின் போஜன ஜோவ்நோவ்ஸ்கி ஜோடியைத் தோற்கடித்தது.

மற்றொரு கலப்பு இரட்டையர் 2-வது சுற்றில் இந்தியாவின் போபண்ணா-செக்.குடியரசின் ஆன்ட்ரியா லவகோவா ஜோடி தோல்வி கண்டு போட்டியிலிருந்து வெளியேறியது.

ரோஜர் ஃபெடரர் வெற்றி

புதன்கிழமை இரவு நடைபெற்ற ஆடவர் ஒற்றையர் காலிறுதியில் 17 கிராண்ட்ஸ்லாம் பட்டங்கள் வென்றவரான ஸ்விட்சர்லாந்தின் ரோஜர் ஃபெடரர் 3-6, 7-6 (5), 6-4, 6-4 என்ற செட் கணக்கில் சகநாட்டவரான ஸ்டானிஸ்லஸ் வாவ்ரிங்காவைத் தோற்கடித்து அரையிறுதிக்கு முன்னேறினார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

விம்பிள்டன் டென்னிஸ்மகளிர் ஒற்றையர் பிரிவில் செக்.குடியரசுபெட்ரா விட்டோவா

Sign up to receive our newsletter in your inbox every day!

You May Like

More From This Category

More From this Author