யோசு: கொரியா ஓபன் பாட்மிண்டன் தொடரில் இரட்டையர் பிரிவில் இந்தியாவின் சாட்விக் சாய்ராஜ் ராங்கிரெட்டி, ஷிராக் ஷெட்டி ஜோடி கால் இறுதி சுற்றுக்கு முன்னேறியது.
கொரியாவின் யோசு நகரில் நடைபெற்று வரும் இந்த தொடரில் ஆடவர் ஒற்றையர் பிரிவு 2-வது சுற்றில் உலகத் தரவரிசையில் 10-வது இடத்தில் உள்ள இந்தியாவின் ஹெச்.எஸ்.பிரனோய், 18-வது இடத்தில் உள்ள ஹாங் காங்கின் லீ செயுக்கிடம் 15-21, 21-19, 18-21 என்ற செட் கணக்கில் போராடி தோல்வி அடைந்தார்.
ஆடவர் இரட்டையர் பிரிவில் இந்தியாவின் சாட்விக் சாய்ராஜ் ராங்கிரெட்டி, ஷிராக் ஷெட்டி ஜோடி 21-17, 21-15 என்ற நேர் செட்டில் சீனாவின் ஹீ ஜி டிங், ஹோ ஹவோ டாங் ஜோடியை வீழ்த்தி கால் இறுதி சுற்றுக்கு முன்னேறியது.