டி20 போட்டிகளில் ஜாஸ் பட்லர்: 10,000

டி20 கிரிக்கெட் போட்டிகளில் 10 ஆயிரம் ரன்கள் குவித்த 9-வது வீரர் என்ற சாதனையை இங்கிலாந்து விக்கெட் கீப்பர் ஜாஸ் பட்லர் புரிந்துள்ளார்.

இங்கிலாந்தின் மான்செஸ்டர் நகரில் நேற்று முன்தினம் நடைபெற்ற டெர்பிஷையர் ஃபால்கன்ஸ், லங்காஷையர் அணிகளுக்கு இடையிலான டி20 லீக் போட்டியில் லங்காஷையர் அணிக்காக ஜாஸ் பட்லர் விளையாடினார். இதில் அவர் 36 பந்துகளில் 83 ரன்களைக் குவித்தார்.

இந்தப் போட்டியின்போது, ஜாஸ் பட்லர் டி20 கிரிக்கெட் போட்டிகளில் 10 ஆயிரம் ரன்களை கடந்தார். அவர் தற்போது 10,080 ரன்களை டி20 போட்டிகளில் குவித்துள்ளார்.

டி20 போட்டிகளில் 10 ஆயிரம் ரன்களை எட்டிய 9-வது வீரர் ஜாஸ் பட்லர் ஆவார். மேலும் இங்கிலாந்து சார்பில் 10 ஆயிரம் ரன்களை எட்டிய முதல் வீரர் பட்லர் என்பது குறிப்பிடத்தக்கது.