உலக டேபிள் டென்னிஸ் தொடர் | கால் இறுதியில் சத்தியன், மணிகா ஜோடி

உலக டேபிள் டென்னிஸ் தொடரில் கலப்பு இரட்டையர் பிரிவில் இந்தியாவின் சத்தியன், மணிகா பத்ரா ஜோடி கால் இறுதி சுற்றுக்கு முன்னேறியது.

துனியாவில் நடைபெற்று வரும் இந்தத் தொடரில் மகளிர் ஒற்றையர் பிரிவு முதல் சுற்றில் இந்தியாவின் அய்ஹிகா முகர்ஜி 11-8, 11-3, 11-2 என்ற செட் கணக்கில் சீனாவின் ஷியாவோடங் வாங்கை வீழ்த்தினார். 2வது சுற்றில் அய்ஹிகா முகர்ஜி, ஜெர்மனியின் சபின் வின்டர் அல்லது ஜப்பானின் மியு நாகசாசியுடன் மோதுவார். மற்ற ஆட்டங்களில் இந்தியாவின் தியா சித்தலே 11-9, 7-11, 2-11, 1-11 என்ற செட் கணக்கில் ஜப்பானின் மியு கிகராவிடமும், ஸ்ரீஜா அகுலா 6-11, 11-4, 5-11, 11-2, 7-11 என்ற செட் கணக்கில் சீன தைபேவின் ஹுவாங்கிடமும் தோல்வி அடைந்தனர்.

கலப்பு இரட்டையர் பிரிவில் இந்தியாவின் சத்தியன், மணிகா பத்ரா ஜோடி 11-3, 11-3, 11-6 என்ற செட் கணக்கில் அல்ஜீரியாவின் அப்தெல்பாசெட் சாய்ச்சி, மலிசா நஸ்ரி ஜோடியை தோற்கடித்து கால் இறுதி சுற்றில் கால்பதித்தது. சத்தியன், மணிகா பத்ரா ஜோடி கால் இறுதி சுற்றில் ஜெர்மனியின் செட்ரிக் மெய்ஸ்னர், யுவான் வான் ஜோடியை எதிர்கொள்கிறது. - பிடிஐ