இந்திய டெஸ்ட் கிரிக்கெட் அணியில் சுமார் 17 மாதங்களுக்குப் பிறகு இடம் பிடித்துள்ளார் ரஹானே. நாளை தொடங்க உள்ள ஆஸ்திரேலிய அணிக்கு எதிரான உலக டெஸ்ட் சாம்பியன்ஷிப் இறுதிப் போட்டிக்கான இந்திய அணியில் அவர் அங்கம் வகிக்கிறார். இன்று அவருக்கு பிறந்தநாள். அண்மையில் நடந்து முடிந்த ஐபிஎல் 2023 சீசனில் சென்னை சூப்பர் கிங்ஸ் அணிக்காக அவர் விளையாடி இருந்தார்.
லண்டனில் தீவிர பயிற்சி மேற்கொண்டு வரும் அவர் இந்திய அணிக்காக அளித்துள்ள சிறப்பான பங்களிப்பு குறித்து தற்போது பார்ப்போம். டெஸ்ட் கிரிக்கெட்டில் இந்திய அணியின் கேப்டனாகவும் ரஹானே செயல்பட்டுள்ளார்.
ரஹானேவும் கேப்டன்சியும்
இந்திய கிரிக்கெட் அணியை டெஸ்ட் கிரிக்கெட்டில் 6 முறை வழிநடத்தியுள்ளார் ரஹானே. அதில் 4 முறை இந்தியா வெற்றி பெற்றுள்ளது. 2 போட்டிகள் சமனில் முடிந்துள்ளன. கடந்த 2020-ல் ஆஸ்திரேலிய அணிக்கு எதிரான கடைசி 3 டெஸ்ட் போட்டிகளில் ரஹானே கேப்டனாக செயல்பட்டார். அதில் 2 போட்டிகளில் வெற்றி மற்றும் 1 போட்டி சமனில் முடிந்தது. அதன் மூலம் தொடரை 2-1 என்ற கணக்கில் ஆஸ்திரேலிய மண்ணில் வென்றது. அப்போது கேப்டன் ரஹானேவை ரசிகர்கள் வெகுவாக போற்றி இருந்தனர். அடிலெய்டில் மோசமான தோல்விக்கு பிறகு பெற்ற வெற்றி இது. டெஸ்ட் கிரிக்கெட்டில் பெரிய அனுபவம் இல்லாத வீரர்களைக் கொண்டு ஆஸ்திரேலியாவை ஆட்டம் காண செய்தார் ரஹானே.
வெளிநாடுகளில் ரஹானேவின் டெஸ்ட் கிரிக்கெட் ரன்கள்
அவர் பதிவு செய்துள்ள 12 டெஸ்ட் கிரிக்கெட் சதங்களில் 8 சதங்கள் வெளிநாடுகளில் பதிவு செய்யப்பட்டவை.