திருமலை: திருப்பதி ஏழுமலையானை நாடு முழுவதிலும் உள்ள பக்தர்கள் தரிசிக்கும் விதமாக ஆன்லைனில் டிக்கெட்டுகள் வெளியிடப்பட்டு வருகின்றன. தற்போது திருப்பதி ஏழுமலையான் கோயிலில், வரும் 11-ம் தேதி வரை சொர்க்க வாசல் தரிசனம் நடைபெற்று வருவதால், ஜனவரி 12-ம் தேதி முதல் பிப்ரவரி மாதம் 28-ம் தேதி வரை, இரு மாதங்களுக்கும் நாளை (திங்கட்கிழமை) காலை 10 மணிக்கு ரூ.300 சிறப்பு தரிசன டிக்கெட்டுகளை திருமலை திருப்பதி தேவஸ்தானம் வெளியிட உள்ளது.
இதேபோன்று, மூத்த குடிமக்கள், மாற்றுத் திறனாளிகளுக்கான டோக்கன்கள் நேற்று வெளியிடப்பட்டன.