வார ராசிபலன் 06-04-2017 முதல் 12-04-2017 வரை (துலாம் முதல் மீனம் வரை)

துலாம் ராசி வாசகர்களே

உங்கள் ராசிக்கு 6-ல் சூரியனும், 11-ல் ராகுவும், 12-ல் வக்கிர குருவும் உலவுவது நல்லது. அரசுப் பணிகள் ஆக்கம் தரும். நிர்வாகத் திறமை அதிகமாகும். காரியத்தில் வெற்றி கிடைக்கும். பண நடமாட்டம் திருப்தி தரும். எதிர்பாராத பொருள்வரவுக்கும் இடமுண்டு. பெரியவர்கள், மேலதிகாரிகள் உங்களுக்கு உதவுவார்கள். அரசியல்வாதிகளுக்கு மதிப்பு உயரும். அயல்நாட்டுத் தொடர்புடன் செய்யும் தொழில் விருத்தி அடையும். ஆராய்ச்சியாளர்கள் புகழுடன் பொருளும் பெறுவார்கள்.

7-ம் தேதி முதல் புதன் வக்கிரம் பெறுவதால் வியாபாரிகளுக்கு ஓரளவு வளர்ச்சி தெரியவரும். 8-ம் தேதி முதல் சனி வக்கிரம் பெறுவதால் உடல் நலனில் அக்கறை தேவைப்படும். 11-ம் தேதி முதல் செவ்வாய் 8-ம் இடத்திற்கு மாறுவதால் சிறு விபத்துக்கு ஆளாக நேரலாம். எச்சரிக்கை தேவை.

அதிர்ஷ்டமான தேதிகள்: ஏப்ரல் 8, 12 (பிற்பகல்).

திசைகள்: தென்மேற்கு, கிழக்கு, வடகிழக்கு.

நிறங்கள்: சாம்பல்நிறம், ஆரஞ்சு.

எண்கள்: 1, 3, 4. l பரிகாரம்: கணபதியையும் சுப்பிரமணியரையும் வழிபடுவது நல்லது.

விருச்சிக ராசி வாசகர்களே

உங்கள் ராசிநாதன் செவ்வாய் 6-ல் உலவுவது சிறப்பாகும். புதன், குரு, சுக்கிரன், ராகு ஆகியோரும் நலம் புரிவார்கள். மனத்தில் துணிவும் தன்னம்பிக்கையும் அதிகரிக்கும். உழைப்புக்குரிய பயன் கிடைத்துவரும். இயந்திரப் பணிகள் லாபம் தரும். பொறியாளர்கள் நிலை உயரும். நிலபுலன்கள் லாபம் தரும். வியாபாரத்தில் வளர்ச்சி காணலாம். பொருளாதார நிலை உயரும். பெரியவர்களின் ஆசிகள் கிடைக்கும்.

அயல்நாட்டுத் தொடர்பு பயன்படும். 7-ம் தேதி முதல் புதன் வக்கிரம் பெறுவதால் வியாபாரத்தில் கவனம் தேவை. 8-ம் தேதி முதல் சனி வக்கிரம் பெறுவதால் உடல் நலம் பாதிக்கப்படும். 11-ம் தேதி முதல் செவ்வாய் 7-ம் இடத்திற்கு மாறுவதால் எதிர்ப்புக்கள் சற்று கூடும். வாழ்க்கைத் துணைவராலும், கூட்டாளிகளாலும் பிரச்சினைகள் ஏற்பட்டு விலகும்.

அதிர்ஷ்டமான தேதிகள்: ஏப்ரல் 9, 10.

திசைகள்: தென்மேற்கு, வடகிழக்கு, தென்கிழக்கு, தெற்கு.

நிறங்கள்: வெண்சாம்பல்நிறம், பொன் நிறம், சிவப்பு, வெண்மை.

எண்கள்: 4, 6, 9. l பரிகாரம்: சனிக்கும் கேதுவுக்கும் அர்ச்சனை, ஆராதனைகளைச் செய்துவருவது நல்லது.

தனுசு ராசி வாசகர்களே

உங்கள் ராசிக்கு 3-ல் கேதுவும், 4-ல் சுக்கிரனும் 5-ல் செவ்வாயும், 10-ல் வக்கிரமாக குருவும் உலவுவது நல்லது. துணிச்சலான காரியங்களில் ஈடுபடுவீர்கள். எதிரிகள் அடங்கிப் போவார்கள். ஆன்மிகப் பணிகளில் நாட்டம் அதிகரிக்கும். பண வரவு வாரப் பின்பகுதியில் கூடும். எதிர்பாராத அதிர்ஷ்ட வாய்ப்புக்களும் கூடிவரும். கலைஞர்கள் வளர்ச்சி காண்பார்கள். புதிய சொத்துக்களும் பொருட்களும் சேரும்.

செய்தொழிலில் வளர்ச்சி காண வழி பிறக்கும். தான, தர்மப்பணிகளிலும் தெய்வப் பணிகளிலும் ஈடுபாடு கூடும். 7-ம் தேதி முதல் புதன் வக்கிரம் பெறுவதால் வியாபாரிகளுக்கு நலம் உண்டாகும். மாணவர்கள் வளர்ச்சி காண்பார்கள். 8-ம் தேதி முதல் சனி வக்கிரம் பெறுவதால் விவசாயிகளுக்கும் தொழிலாளர்களுக்கு திறமைக்குரிய பயன் கிடைக்கும். உடன்பிறந்தவர்கள் உதவி புரிவார்கள்.

அதிர்ஷ்டமான தேதிகள்: ஏப்ரல் 9, 10, 12 (பிற்பகல்).

திசைகள்: வடமேற்கு, தென்கிழக்கு, தெற்கு, வடகிழக்கு.

நிறங்கள்: சிவப்பு, பொன் நிறம்.

எண்கள்: 3, 6, 7, 9. l பரிகாரம்: சக்தி வழிபாடு செய்வது நல்லது.

மகர ராசி வாசகர்களே

உங்கள் ராசிக்கு அதிபதி சனி 11-ம் இடத்தில் இருப்பது விசேடமாகும். சூரியன், புதன், சுக்கிரன் ஆகியோரும் சாதகமாகவே உலவுகிறார்கள். கணவன் மனைவி உறவு நிலை திருப்திகரமாக இருந்துவரும். உடல் ஆரோக்கியம் சீராகும். மதிப்பும் அந்தஸ்தும் உயரும். முக்கியமான எண்ணங்கள் சில வாரப் பின்பகுதியில் நிறைவேறும். அரசு விவகாரங்களில் அனுகூலமான போக்கு தென்படும்.

முக்கியஸ்தர்களின் தொடர்பு பயன்படும். நிர்வாகத் துறையினருக்கு வரவேற்பு கூடும். வியாபாரத்தில் வளர்ச்சி காணலாம். கலைத்துறையினருக்கு முன்னேற்றமான சூழ்நிலை நிலவிவரும். பண வரவு கூடும். புதிய பொருட்களின் சேர்க்கை நிகழும். 7-ம் தேதி முதல் புதன் வக்கிரம் பெறுவதால் வியாபாரத்தில் அதிக கவனம் தேவை. மாணவர்கள் படிப்பில் முழுக்கவனம் செலுத்துவது அவசியமாகும்.

அதிர்ஷ்டமான தேதிகள்: ஏப்ரல் 9 (பிற்பகல்), 10, 12 (பிற்பகல்).

திசைகள்: தென்கிழக்கு, மேற்கு, கிழக்கு.

நிறங்கள்: நீலம், ஆரஞ்சு, வெண்மை.

எண்கள்: 1, 6, 8. l பரிகாரம்: நாகேஸ்வரரை வழிபடுவது நல்லது.

கும்ப ராசி வாசகர்களே

உங்கள் ராசிக்கு 2-ல் சுக்கிரனும் 3-ல் செவ்வாயும் 10-ல் சனியும் உலவுவது நல்லது. குரு 8-ல் வக்கிரமாக இருப்பதால் நலம் புரிவார். பேச்சில் இனிமை கூடும். வசீகர சக்தி உண்டாகும். பண நடமாட்டம் திருப்தி தரும். திடீர் அதிர்ஷ்ட வாய்ப்புகள் கூடிவரும். விருந்து, உபசாரங்களிலும்; கேளிக்கை, உல்லாசங்களிலும் ஈடுபாடு அதிகரிக்கும். எதிரிகள் அடங்குவார்கள். போட்டி, பந்தயம், வழக்குகளில் வெற்றி கிடைக்கும். உழைப்பு வீண்போகாது. மனத்தில் துணிச்சல் அதிகரிக்கும். பிரச்சினைகள் எளிதில் தீரும்.

வாரப் பின்பகுதியில் புனிதமான காரியங்களில் ஈடுபாடு உண்டாகும். 7-ம் தேதி முதல் புதன் வக்கிரம் பெறுவதால் வியாபாரிகளுக்கு ஓரளவு வளர்ச்சி தெரியவரும். 8-ம் தேதி முதல் சனி வக்கிரம் பெறுவது சிறப்பாகாது. தொழிலில் அதிக கவனம் தேவை 11-ம் தேதி முதல் செவ்வாய் 4-ம் இடத்திற்கு மாறுவதால் அலைச்சல் அதிகமாகும்.

அதிர்ஷ்டமான தேதிகள்: ஏப்ரல் 8, 12 (பிற்பகல்). . .

திசைகள்: தென்கிழக்கு, தெற்கு, மேற்கு.

நிறங்கள்: நீலம், வெண்மை, சிவப்பு.

எண்கள்: 3, 6, 8, 9. l பரிகாரம்: நாக பூஜை செய்து வருவது நல்லது. மகா விஷ்ணுவை வழிபடவும்.

மீன ராசி வாசகர்களே

புதன், சுக்கிரன், ராகு ஆகியோர் சாதகமாக உலவுகிறார்கள். மனத்திற்கினிய சம்பவங்கள் வாழ்க்கையில் நிகழும். பண வரவு அதிகரிக்கும். எதிர்பாராத திடீர் அதிர்ஷ்ட வாய்ப்புக்களும் கூடிவரும். நண்பர்களும் உறவினர்களும் ஆதரவாக இருப்பார்கள். கலைத்துறையினருக்கு நல்ல வாய்ப்புக்கள் கூடிவரும். ஏற்றுமதி இறக்குமதி வகையில் லாபம் உண்டு. போக்குவரத்துச் சாதனங்களால் ஆதாயம் கிடைக்கும்.

ஜன்ம ராசியில் சூரியன் இருப்பதால் தலைவலி, ஜுரம், மற்றும் உஷ்ண சம்பந்தமான உபத்திரவங்கள் ஏற்பட்டு விலகும். 7-ம் தேதி முதல் புதன் வக்கிரம் பெறுவதால் பேச்சில் நிதானம் தேவை. வியாபாரத்தில் அதிக கவனம் தேவைப்படும். 8-ம் தேதி முதல் சனி வக்கிரம் பெறுவதால் அதிகம் பாடுபட்டு முன்னேற வேண்டிவரும். எதிர்பாராத செலவுகள் ஏற்படும். 11-ம் தேதி முதல் செவ்வாய் 3-ம் இடத்திற்கு மாறுவது விசேடமாகும்.

அதிர்ஷ்டமான தேதிகள்: ஏப்ரல் 9, 10.

திசைகள்: தென்மேற்கு, தென்கிழக்கு, வடக்கு.

நிறங்கள்: புகைநிறம், இளநீலம், வெண்மை, பச்சை.

எண்கள்: 4, 5, 6. l பரிகாரம்: சூரியனை வழிபடவும்.