Published : 28 Jan 2015 12:34 pm

Updated : 28 Jan 2015 13:02 pm

 

Published : 28 Jan 2015 12:34 PM
Last Updated : 28 Jan 2015 01:02 PM

உலகக்கோப்பையிலிருந்து மே.இ.தீவுகளின் புதிய ஸ்பின்னர் சுனில் நரைன் விலகல்

சந்தேகத்துக்கிடமான பந்துவீச்சுக்காக கடந்த ஆண்டு புகார் தெரிவிக்கப்பட்ட சுனில் நரைன் இன்னமும் தன்னுடைய பந்துவீச்சு முறை பற்றி முழு நம்பிக்கை பெறாததால் உலகக்கோப்பை போட்டிகளிலிருந்து விலகியுள்ளார்.

கடந்த செப்டம்பரில் இவரது பந்துவீச்சு த்ரோ போல் இருப்பதாக புகார் எழுப்பப்பட்டது. ஆனால் அப்போது அவர் இந்தியாவில் நடைபெற்ற அந்தப் போட்டிகளில் மட்டும் விளையாடத் தடை விதிக்கப்பட்டது.

அவர் பந்துவீச்சு பயிற்சி மேற்கொண்டு தன்னைத்தானே முறையான பந்துவீச்சாளராக மாற்றிக் கொண்டதையடுத்து அவர் மே.இ.தீவுகள் அணிக்கு தேர்வு செய்யப்பட்டார்.

ஆனாலும் தற்போது தனது புதிய பந்துவீச்சு முறையில் சரியாக வீசுவதற்கான தன்னம்பிக்கையின்மையால் உலகக்கோப்பை போட்டிகளிலிருந்து விலகியதாக மே.இ.தீவுகள் கிரிக்கெட் வாரியம் செய்திக் குறிப்பில் தெரிவித்துள்ளது.

இவர் வீசும் வேகமான பந்து த்ரோவாக இருப்பதாக தெரியவந்ததால் இவர் சாம்பியன்ஸ் லீக் இறுதிப் போட்டியில் விளையாடத் தடை விதிக்கப்பட்டார்.

ஏற்கெனவே பொலார்ட், டிவைன் பிராவோ ஆகியோர் அணியில் தேர்வு செய்யப்படாததையடுத்து கடுமையான விமர்சனங்களைச் சந்தித்து வரும் நிலையிலும் தென் ஆப்பிரிக்காவுக்கு எதிராக சகல முறைகளிலும் தோல்வி அடைந்து வரும் நிலையிலும் தற்போது அந்த அணியின் சிறந்த பவுலர் சுனில் நரைன் உலகக்கோப்பை போட்டிகளில் விளையாட முடியாமல் போனது பெரும் பின்னடைவை ஏற்படுத்தியுள்ளது.



சுனில் நரைன்உலகக்கோப்பை போட்டிகள் 2015மே.இ.தீவுகள்கிரிக்கெட்

You May Like

More From This Category

More From this Author