Published : 16 Dec 2014 16:25 pm

Updated : 16 Dec 2014 16:25 pm

 

Published : 16 Dec 2014 04:25 PM
Last Updated : 16 Dec 2014 04:25 PM

ஆஸ்திரேலிய அணியிலிருந்து ரியான் ஹேரிஸ், பீட்டர் சிடில் நீக்கம்

நாளை பிரிஸ்பன் மைதானத்தில் தொடங்கும் 2-வது டெஸ்ட் போட்டியிலிருந்து ரியான் ஹேரிஸ், பீட்டர் சிடில் ஆகியோர் ஆஸ்திரேலிய அணியிலிருந்து நீக்கப்பட்டுள்ளனர்.

இவர்களுக்குப் பதிலாக இடது கை வேகப்பந்து வீச்சாளர் மிட்செல் ஸ்டார்க் மற்றும் ஜோஸ் ஹேசில்வுட் ஆகியோர் அணியில் சேர்க்கப்பட்டுள்ளனர்.

ஆஸ்திரேலிய அணிக்கு புதிய கேப்டனாக ஸ்டீவ் ஸ்மித் அறிவிக்கப்பட்டுள்ளார்.

ரியான் ஹேரிஸ் 100% உடற்தகுதியுடன் இல்லை என்பதாலும், பீட்டர் சிடில் அடிலெய்ட் டெஸ்ட் போட்டியில் அவ்வளவு சிறப்பாக செயல்படவில்லை என்பதாலும் நீக்கப்பட்டுள்ளனர்.

“பீட்டர் சிடிலுக்கு இது பெருத்த ஏமாற்றமாகவே இருக்கும். அவர் நீண்ட நாட்களாக ஆஸ்திரேலிய அணிக்காக அபாரமாக வீசி வந்துள்ளார். இதற்காக அவர் அவ்வளவுதான் முடிந்து விட்டார் என்று கூறுவதற்கு இடமில்லை. இந்தத் தொடரில் அவர் மீண்டும் இடம்பெறும் வாய்ப்பு உள்ளது” என்றார் ஸ்டீவ் ஸ்மித்.

காயமடைந்த கேப்டன் கிளார்க்கிற்கு பதிலாக அணியில் இடது கை பேட்ஸ்மென் ஷான் மார்ஷ் சேர்க்கப்பட்டுள்ளார்.

நாளை களமிறங்கும் 11 வீரர்கள்: வார்னர், கிறிஸ் ரோஜர்ஸ், வாட்சன், ஸ்மித், ஷான் மார்ஷ், மிட்செல் மார்ஷ், பிராட் ஹேடின், மிட்செல் ஜான்சன், ஸ்டார்க், நேதன் லயன், ஜோஷ் ஹேசில்வுட்.

2-வது டெஸ்ட் போட்டிஇந்தியா-ஆஸ்திரேலியாகிரிக்கெட்சிடில்ஹேரிஸ்ஸ்மித்ஸ்டார்க்ஹேசில்வுட்

You May Like

More From This Category

More From this Author