என்னென்ன தேவை?
தூள் பகோடா – 100 கிராம்
வறுத்த பொரி – ஒரு கப்
வறுத்த நிலக்கடலை – கால் கப்
பொடியாக நறுக்கிய வெங்காயம், வெள்ளரி, தக்காளி, கேரட், கொத்த மல்லித் தழை, புதினா, மாங்காய்த் துண்டுகள் - தலா 2 டேபிள் ஸ்பூன்
எலுமிச்சைச் சாறு – சில துளிகள்
பச்சை மிளகாய் (பொடியாக நறுக்கியது) – ஒரு டீஸ்பூன்
உப்பு – தேவையான அளவு
வேகவைத்த உருளைக் கிழங்கு - 2
எப்படிச் செய்வது?
பொடியாக நறுக்கிய காய்கள், உருளைக் கிழங்கு, உப்பு, எலுமிச்சைச் சாறு ஆகியவற்றை ஒன்றாகக் கலந்துகொள்ளுங்கள். அவற்றுடன் சிறிதளவு எண்ணெயில் வறுத்த பொரி, பக்கோடா, வறுத்த நிலக்கடலையைச் சேர்த்துக் கலந்து பரிமாறுங்கள். பகோடா இருப்பதால் மிக்சர் சேர்க்கத் தேவையில்லை.