வெண்டைக்காய், மாதுளை ராய்த்தா

என்னென்ன தேவை?

கெட்டித் தயிர் - 1 கப்

நறுக்கிய வெண்டைக்காய் - அரை கப்

மாதுளை முத்துக்கள் - 1 டேபிள் ஸ்பூன்

பொடியாக நறுக்கிய மல்லித் தழை - சிறிதளவு

உப்பு, எண்ணெய் - தேவையான அளவு

அரைக்க:

தேங்காய்த் துருவல் - 3 டீஸ்பூன்

பச்சை மிளகாய் - 1

எப்படிச் செய்வது?

வாணலியில் ஒரு டீஸ்பூன் எண்ணெய் விட்டு வெண்டைக்காயை நன்றாக வதக்கி, ஆறவிடவும். அரைக்கக் கொடுத்தவற்றை அரைத்துக்கொள்ளவும்.

ஒரு கிண்ணத்தில் தயிர், தேவையான உப்பு, அரைத்த விழுது, வதக்கிய வெண்டைக்காய், மாதுளை முத்துக்கள் சேர்த்து மல்லித்தழை தூவி நன்றாகக் கலக்கவும்.