மிளகாய் பஜ்ஜி

என்னென்ன தேவை?

பஜ்ஜி மிளகாய் - 4

மைதா - அரை கப்

ரவை - 2 டேபிள் ஸ்பூன்

மஞ்சள் தூள் - 1 சிட்டிகை

உருளைக் கிழங்கு - 1

மிளகுத் தூள் - 1 டீஸ்பூன்

வேர்கடலைத் தூள் - 1 டேபிள் ஸ்பூன்

புளிக் கரைசல் - சிறிதளவு

வெங்காயம் - 1

எண்ணெய், உப்பு - தேவையான அளவு

எப்படிச் செய்வது?

மைதா, ரவை இவற்றுடன் சிறிது உப்பு சேர்த்து, தேவையான அளவு தண்ணீர் தெளித்துக் கெட்டியாகப் பிசைந்துகொள்ளவும்.

வாணலியில் சிறிது எண்ணெய் விட்டு வெங்காயம், மசித்த உருளை, உப்பு, மஞ்சள் தூள், மிளகுத் தூள், வேர்கடலைத் தூள் சேர்த்துப் புரட்டவும். புளிக் கரைசலைத் தெளித்துக் கிளறி, இறக்கி வைக்கவும்.

பஜ்ஜி மிளகாயை நடுவில் கீறி, விதையை நீக்கிவிட்டு, வதக்கி வைத்திருக்கும் மசாலாவை உள்ளே வைத்து மூடவும். பிசைந்து வைத்திருக்கும் மாவைச் சப்பாத்தியாக இட்டு நீளமாக வெட்டவும். மிளகாயின் வெளிப்புறம் சிறிது எண்ணெய் தடவி, வெட்டி வைத்திருக்கும் சப்பாத்தியைச் சுற்றவும். இதைச் சூடான எண்ணெயில் போட்டுப் பொரித்தெடுக்கவும்.